Вилоятҳои Суғди Тоҷикистон ва Липетски Русия ҳамкории тиҷоративу иқтисодиро вусъат мебахшанд
ДУШАНБЕ, 11.04.2022 /АМИТ «Ховар»/. Миёни Палатаи савдо ва саноати вилояти Суғд ва Палатаи савдо ва саноати вилояти Липетск якчанд созишномаи ҳамкорӣ мавҷуд буда, дар доираи ин санадҳо минбаъд ҳамкории тиҷоративу иқтисодӣ тавсеа бахшида мешавад. Чунин зикр гардид зимни мулоқоти Раиси вилоят Раҷаббой Аҳмадзода бо ҳайати соҳибкорони вилояти Липетски Федератсияи Русия, ки бо роҳбарии Президенти Палатаи савдо ва саноати вилояти Липетск Анатолий Голтсов дар вилояти Суғд қарор дорад.
Тавре котиби матбуоти Раиси вилояти Суғд Музаффар Юнусов ба АМИТ «Ховар» хабар дод, ин ҳайат 10 апрел ба вилояти Суғд омад.
Дар мулоқоти васеи ҷонибҳо, ки дар Қароргоҳи Сарвари давлат дар шаҳри Хуҷанд ҷараён гирифт, ҳарду тараф хостори тақвияти ҳамкорӣ ва зиёд намудани мубодилаи молу маҳсулот шуданд.
Раиси вилоят Раҷаббой Аҳмадзода иброз намуд, ки вилояти Суғд дорои имконияти зиёд буда, бо ташаббуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саноатикунонии босуръат ҳадафи стратегӣ эълон гардидааст. Доираҳои тиҷоратии ҳарду вилоят метавонанд барои ташкили корхонаҳои муштарак иқдом кунанд, ки ба манфиати ҳарду ҷониб хоҳад буд. Ҳамзамон маълумот дода шуд, ки дар вилояти Суғд маҳсулоти гуногуни кишоварзӣ истеҳсол гардидаву коркард мешавад ва содироти он ба бозорҳои вилояти Липетск метавонад манфиатовар бошад.
Анатолий Голтсов бо қаноатмандӣ аз истиқболи самимӣ аз густариши робитаҳо дар соҳаҳои тиҷоративу иқтисодӣ ва фарҳангӣ изҳори хушнудӣ намуд.
Зикр карда шуд, ки вилояти Липетск ба афзоиши додугирифти тиҷоратӣ омода аст ва ба меваю сабзавоти Тоҷикистон дар Русия талабот мавҷуд аст.
Ҷонибҳо иброз доштанд, ки миёни Палатаи савдо ва саноати вилояти Суғд ва Палатаи савдо ва саноати вилояти Липетск якчанд созишномаи ҳамкорӣ мавҷуд буда, дар доираи ин санадҳо минбаъд ҳамкории тиҷоративу иқтисодӣ тавсеа бахшида мешавад.
Сипас, ҳайати меҳмонон дар Боғи миллии «Ваҳдат» аз намоиши маҳсулоти кишоварзӣ ва корхонаҳои саноатии вилояти Суғд боздид карданд. Ба меҳмонон доир ба вазъи соҳаҳои кишоварзиву саноат, истеҳсоли маҳсулот ва имконияти содирот ба Федератсияи Русия маълумот дода шуд.
АКСҲО: Хадамоти матбуоти Раиси в. Суғд
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
