Ҳаҷми гардиши савдои хориҷии Тоҷикистон бо Русия дар 4 моҳ 476,5 миллион долларро ташкил дод

Май 25, 2022 15:00

ДУШАНБЕ, 25.05.2022. /АМИТ «Ховар»/. Дар 4 моҳи соли 2022 ҳаҷми гардиши савдои хориҷии Ҷумҳурии Тоҷикистон бо Федератсияи Русия 476,5 миллион доллари ИМА-ро ташкил дода, нисбат ба ҳамин давраи соли 2021 49 фоиз афзоиш ёфтааст. Ин нукта дирӯз зимни мулоқоти намояндагони Вазорати рушди иқтисод ва савдои Ҷумҳурии Тоҷикистон бо ҳайати соҳибкорони Санкт-Петербурги Федератсияи Русия баён гардид, хабар доданд ба АМИТ «Ховар» дар Вазорати рушди иқтисод ва савдо.

Вохӯрӣ бо иштироки сардори Раёсати ҳамкории иқтисодии хориҷии Вазорати рушди иқтисод ва савдои Ҷумҳурии Тоҷикистон Дилшод Шарифӣ  ва ҳайати соҳибкорони Санкт-Петербурги Федератсияи Русия таҳти роҳбарии муовини Раиси Кумитаи робитаҳои хориҷии ҳукумати Санкт-Петербург Арби Абубакаров баргузор гардид.

Д. Шарифӣ гуфт, ки Федератсияи Русия шарики асосии тиҷоратию иқтисодӣ ва стратегии Ҷумҳурии Тоҷикистон ба ҳисоб меравад.

Зимни мулоқот ҷонибҳо лоиҳаҳои афзалиятноки рушди ҳамкории тиҷоратию иқтисодӣ, таъсиси корхонаҳои муштараки саноатӣ ва паркҳои технологӣ дар минтақаҳои озоди иқтисодии Ҷумҳурии Тоҷикистон, масъалаи бо истифода аз долонҳои сабз таъмин намудани меваю сабзавот, инчунин дар ҳудуди Ҷумҳурии Тоҷикистон таъсис додани марказҳои тақсимоти яклухтро муҳокима намуданд.

Дар анҷоми вохӯрӣ ҷонибҳо омодагии худро барои боз ҳам густариш додани ҳамкории мутақобилан судманд ва татбиқи масъалаҳои баёншуда иброз доштанд.

АКС: Вазорати рушди иқтисод ва савдои ҶТ

Май 25, 2022 15:00

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид