Ҳайати Арабистони Саудӣ дар Конфронси дуюми байналмилалии сатҳи баланд дар Душанбе иштирок менамояд

Май 18, 2022 08:15

ДУШАНБЕ, 18.05.2022 /АМИТ «Ховар»/. 16 май дар Риёз мулоқоти Сафири Ҷумҳурии Тоҷикистон дар Подшоҳии Арабистони Саудӣ Акрам Каримӣ бо муовини Вазири корҳои хориҷии Арабистони Саудӣ дар умури бисёрҷонибаи байналмилалӣ Абдурраҳмон Ар-Рассӣ баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Зимни мулоқот доир ба раванди омодагӣ ба Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки 6-9 июни 2022 дар шаҳри Душанбе баргузор мегардад, шарҳи муфассал тақдим гардид.  Абдурраҳмон Ар-Рассӣ таъкид намуд, ки ҳайати Арабистони Саудӣ дар ин ҳамоиши байналмилалии муҳим дар сатҳи баланд иштирок хоҳад кард.

Ҷонибҳо инчунин атрофи масъалаҳои мубрами рӯзномаи минтақавӣ ва байнлмилалии мавриди таваҷҷуҳи муштарак табодули назар карданд.

Тавре қаблан АМИТ «Ховар» хабар дода буд, 12 апрели соли 2022 дар Душанбе ҷаласаи Кумитаи тадорукоти Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки 6-9 юни соли 2022 зери унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ» дар шаҳри Душанбе барпо хоҳад гардид, таҳти роҳбарии раиси Кумитаи тадорукот, Сарвазири Ҷумҳурии Тоҷикистон Қоҳир Расулзода баргузор шуд.

Дар ҷараёни нишаст муовини раиси кумитаи тадорукот, Вазири корҳои хориҷии Тоҷикистон Сироҷиддин Муҳриддин оид ба омодагӣ ба Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» маълумот пешниҳод кард.

Аз ҷумла, иттилоъ дода шуд, ки барои омодагӣ ва дар сатҳи баланд баргузор намудани Конфронс Нақшаи чорабиниҳо таҳия гардида, ҷиҳати иҷрои бандҳои дахлдори он котиботи Конфронс таъсис ёфта, ҳоло дар бинои Вазорати корҳои хориҷии Ҷумҳурии Тоҷикистон фаъолият дорад.

Илова бар ин, ба сарони давлату ҳукуматҳои хориҷӣ, роҳбарону намояндагони СММ ва дигар созмонҳои байналмилалӣ, коршиносони байналмилалӣ даъватномаҳо фиристода шуданд. Торнамои расмии Конфронс дар шабакаи интернет (www.dushanbewaterprocess.org) ва саҳифаҳои Конфронс дар шабакаҳои иҷтимоии «Twitter» (@DWaterProcess) ва «Facebook» (Dushanbe Water Process) боз гардиданд.

Дар Конфронси дуюми сатҳи баланд баргузории панелҳо тибқи се гурӯҳи алоҳида гурӯҳбандӣ шуда, ба мавзӯъҳои гуногун тибқи се ченаки рушди устувор бо дарназардошти давраи пасазбуҳронии ҳамагирии COVID-19 ва ҳамчунин як гурӯҳи алоҳидаи панелҳои интерактивӣ, дар маҷмӯъ 12 панел дар назар аст.

Дар доираи Конфронс 6 Форум, аз ҷумла Форуми минтақавӣ бо таваҷҷуҳ ба Осиёи Марказӣ, Форуми об барои занон, Форуми об барои кӯдакону ҷавонон, Форуми об барои ҷамоатҳои маҳаллӣ/мардуми таҳҷоӣ, Форуми об ва кӯҳистон ба хотири рушди устувор ва Форуми об бо иштироки бахши хусусӣ, инчунин Фестивали об дар Боғи фарҳангию фароғатии «Наврӯзгоҳ» гузаронида мешаванд.

Акс: ВКХ ҶТ

Май 18, 2022 08:15

Хабарҳои дигари ин бахш

«РӮЗИ ТОҶИКИСТОН». Дар Академияи дипломатии Озарбойҷон таҳти чунин унвон ҳамоиши фарҳангӣ доир гардид
Sputnik: Тоҷикистон ва Узбекистон ният доранд гардиши молро ба 1 миллиард доллар расонанд
Тоҷикистон ва Миср имконияти ба роҳ мондани ҳамкории мустақим миёни бахши хусусии ду кишварро баррасӣ намуданд
Дар Душанбе нишасти тадорукотию ташрифотии Конфронси дуюми оби Душанбе баргузор гардид
Дар Душанбе Вохӯрии машваратии сарони давлатҳои Осиёи Марказӣ баргузор мешавад
Амороти Муттаҳидаи Арабро то интихоб шудани президенти нав сарвазир идора мекунад
Сироҷидин Муҳриддин ва Ҷээнбек Кулубоев масъалаҳои марбут ба таъйини ҳудуд ва аломатгузории сарҳади давлатии Тоҷикистону Қирғизистонро баррасӣ карданд
Дар шаҳри Душанбе ба бунёди бинои нави Сафорати Қазоқистон дар Тоҷикистон санги асос гузошта шуд
Дар Душанбе масъалаҳои муҳимми ҳамкории Тоҷикистон ва Арманистон баррасӣ шуданд
Дар арафаи Конфронси дуюми байналмилалӣ оид ба Даҳсолаи байналмилалии амал «Об барои рушди устувор» дар Анқара ҳамоиш доир шуд
Дар Душанбе ҷаласаи баҳории Шӯрои вазирони корҳои хориҷии ИДМ баргузор гардид
Тоҷикистон ва Украина дурнамои ҳамкориҳоро баррасӣ карданд