Ҳайати мақомоти гумруки Тоҷикистон дар Форуми сатҳи баланд дар Корея иштирок намуд
ДУШАНБЕ, 25.05.2022 /АМИТ «Ховар»/. Ҳайати Ҷумҳурии Тоҷикистон таҳти роҳбарии сардори Хадамоти гумруки назди Ҳукумати Ҷумҳурии Тоҷикистон Хуршед Каримзода дар Форуми сатҳи баланд, ки бо иштироки роҳбарони маъмурияти гумруки кишварҳои Осиёи Марказӣ вобаста ба сиёсати содагардонии расмиёти савдо дар шаҳри Сеули Кореяи Ҷанубӣ доир гардид, иштирок намуд, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Дар форум намояндагони сатҳи роҳбарикунандаи маъмурияти гумрук аз кишварҳои Гурҷистон, Муғулистон, Қазоқистон, Тоҷикистон, Қирғизистон, Узбекистон, инчунин Бонки Осиёии Рушд ширкат намуданд.
Дар ҷараёни форум самтҳои афзалиятноки пешбурди фаъолияти гумрукӣ ва ба талаботу мушкилиҳои ҷаҳони муосир ҷавобгӯ будани мақомоти гумруки кишварҳои иштирокчӣ вобаста ба содагардонии расмиёти савдо, ки аз уҳдадориҳои давлатҳои аъзои Созмони ҷаҳонии гумрук, Созишномаи содагардонии савдои Созмони ҷаҳонии савдо бармеояд, баррасӣ гардиданд.
Инчунин таҷрибаи пешқадами Хадамоти гумруки Ҷумҳурии Кореяи Ҷанубӣ дар самти роҳандозии гумруки рақамӣ, содагардонии расмиёти савдо ва истифодаи технологияи муосири иттилоотӣ ва коммуникатсионӣ, ки миёни кишварҳои рушдёфтаи ҷаҳон мавқеи намоён ишғол менамояд, мавриди омӯзиш қарор дода шуд.
Форуми сатҳи баланд бо иштироки роҳбарони мақомоти гумруки кишварҳои Осиёи Марказӣ дар шаҳри Сеули Кореяи Ҷанубӣ 24 май оғоз ёфта, то 27 май идома меёбад.
АКС: Хадамоти гумруки назди Ҳукумати Ҷумҳурии Тоҷикистон
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
Намояндагони Тоҷикистон дар ҷаласаи 69-уми Шурои байнидавлатӣ оид ба стандартизатсия иштирок намуданд
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
