Ҳайати Тоҷикистон изҳори ҳамдардии Пешвои миллат Эмомалӣ Раҳмонро ба Президенти тозаинтихоби Амороти Муттаҳидаи Араб расонид
ДУШАНБЕ, 17.05.2022. /АМИТ «Ховар»/. Ҳайати Ҷумҳурии Тоҷикистон аз номи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар робита ба даргузашти собиқ Президенти Амороти Муттаҳидаи Араб аълоҳазрат Шайх Халифа ибни Зоид Оли Наҳён ба Президенти тозаинихоби ин давлат Шайх Муҳаммад ибни Зоид Оли Наҳён таъзия ва таслият расонид. Дар ин бора ба АМИТ «Ховар» дар Вазорати рушди иқтисод ва савдои ҶТ хабар доданд.
«Ҳайати Тоҷикистон иборат аз Вазири рушди иқтисод ва савдо Завқӣ Завқизода, Раиси Кумитаи дин, танзими анъана ва ҷашну маросим Сулаймон Давлатзода, Раиси Маркази исломӣ ва Раиси Шӯрои уламо Саидмукаррам Абдулқодирзода ва Сафири Тоҷикистон дар Амороти Муттаҳидаи Араб Баҳодур Шарифӣ 16 май дар шаҳри Абу-Забӣ бо Президенти тозаинтихоби Аморот Шайх Муҳаммад ибни Зоид Оли Наҳён мулоқот намуда, ба ӯ аз номи Пешвои миллат муҳтарам Эмомалӣ Раҳмон дар робита ба даргузашти собиқ Президенти ин кишвар таъзия ва таслият расонид», — омадааст дар хабари вазорат.
Зимни мулоқот Президенти тозаинтихоби Амороти Муттаҳидаи Араб минатдории бепоёни худро ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон баён намудааст.
Бояд гуфт, ки 13 майи соли 2022 расман барқияи изҳори таслияти Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба унвони Валиаҳди Абӯ-Забӣ, муовини Сарфармондеҳи Олии Қувваҳои мусаллаҳи Амороти Муттаҳидаи Араб муҳтарам Шайх Муҳаммад ибни Зоид Оли Наҳён ва ба Ноиби Президент, Сарвазири Амороти Муттаҳидаи Араб ва Ҳокими Дубай муҳтарам Шайх Муҳаммад ибни Рошид Оли Мактум бинобар даргузашти собиқ Президенти Амороти Муттаҳидаи Араб аълоҳазрат Шайх Халифа ибни Зоид Оли Наҳён ирсол гардида буд.
АКС: Вазорати рушди иқтисод ва савдои ҷумҳурӣ
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
