Дар Душанбе ҷаласаи баҳории Шӯрои вазирони корҳои хориҷии ИДМ баргузор гардид

ДУШАНБЕ, 13.05.2022 /АМИТ «Ховар»/. Имрӯз дар шаҳри Душанбе ҷаласаи баҳории Шӯрои вазирони корҳои хориҷии ИДМ баргузор гардид, ки дар он роҳбарони мақомоти корҳои хориҷии кишварҳои Иттиҳод ва Раиси Кумитаи иҷроия — котиби иҷроияи ИДМ ширкат варзиданд, гузориш медиҳад хабарнигори АМИТ «Ховар».

Вазирон дар мавриди масъалаҳои мубрами рӯзномаҳои минтақавӣ ва байналмилалӣ табодули ботафсили афкор намуда, инчунин иқдомҳои ҷориро оид ба таъмиқи равобити амалӣ  дар тамоми самтҳои калидии ҳамкорӣ мутобиқ ба афзалияти раёсати Қазоқистон дар ИДМ муфассал баррасӣ карданд.

Зимни нишаст ба таҷрибаи баргузории машваратҳо миёни Вазорати корҳои хориҷӣ дар қолаби Иттиҳод, ки ба амалисозӣ ва ҳамоҳангсозии саъю талошҳои муштарак дар тамоми самтҳои фаъолияти Иттиҳод мусоидат мекунанд, баҳои баланд  дода шуд.

Вазирон доир ба татбиқи пай дар пайи Барномаи амал оид ба фаъолсозии иштирок миёни вазоратҳои корҳои хориҷӣ тавофуқ намуданд.

Аз натиҷаи ҷаласаи мазкур 11 қарор ба имзо расид.

Ҷаласаи навбатии Шӯрои вазирони корҳои хориҷии ИДМ  13 октябри соли ҷорӣ дар Нур — Султон  баргузор мешавад.

 Акс: ВКХ ҶТ