Амороти Муттаҳидаи Арабро то интихоб шудани президенти нав сарвазир идора мекунад

Май 14, 2022 11:29

ДУШАНБЕ, 14.05.2022 /АМИТ «Ховар»/. Ноиби президент, Сарвазири Амороти Муттаҳидаи Араб ва Ҳокими Дубай Муҳаммад ибни Рошид Оли Мактум бинобар даргузашти президент Халифа ибни Зоид Оли Наҳён то интихоб шудани президенти нав иҷрокунандаи вазифаи президенти давлат мегардад. Тавре АМИТ «Ховар» иттилоъ медиҳад, дар ин бора шабакаи телевизионии «Ал-Арабия» хабар дод.

«Тибқи конститутсияи Амороти Муттаҳидаи Араб, Ноиби президент, Сарвазир ва Ҳокими Дубай Муҳаммад ибни Рошид Оли Мактум то замони дар давоми 30 рӯз ҷамъ омадани шӯрои федералӣ, ки аз ҳокимони ҳафт Аморот иборат аст, барои интихоби президенти нав иҷрокунандаи вазифаи президент мегардад», — гузориш дод шабакае, ки аз Дубай пахш мешавад.

Дар ҳамин ҳол, валиаҳди Абу-Забӣ Муҳаммад ибни Зоид Оли Наҳён, ки солҳои ахир ба далели бемории тӯлонии собиқ президент роҳбари воқеии Амороти Муттаҳидаи Араб буд, имкони бештар дорад, ки дар ин кишвар президенти интихобшуда гардад.

Тавре қаблан АМИТ «Ховар» хабар дод, дирӯз, 13 май, Президенти Амороти Муттаҳидаи Араб Халифа ибни Зоид Оли Наҳён дар синни 73-солагӣ аз олам даргузашт. Дар кишвар мотами миллӣ эълон гардид, ки тибқи изҳорот, он 40 рӯз идома меёбад ва дар ин муддат парчамҳои давлатӣ нимафрохта мешаванд. Ҳамчунин ҳама вазоратҳо, муассисаҳои давлатӣ ва корхонаҳои бахши хусусӣ барои се рӯз баста мешаванд.

13 май Президенти Ҷумҳурии Тоҷикистон муҳтарам Эмомалӣ Раҳмон ба валиаҳди Абу-Забӣ, муовини Сарфармондеҳи Олии Қувваҳои Мусаллаҳи Амороти Муттаҳидаи Араб Шайх Муҳаммад ибни Зоид Оли Наҳён ва ба Ноиби Президент, Сарвазири Амороти Муттаҳидаи Араб ва Ҳокими Дубай Шайх Муҳаммад ибни Рошид Оли Мактум барқияи изҳори тасаллӣ ирсол намуданд.

АКС аз манбаъҳои боз

Май 14, 2022 11:29

Хабарҳои дигари ин бахш

Тоҷикистон ва Португалия татбиқи Даҳсолаи байналмилалии амал «Об барои рушди устувор» солҳои 2018-2028 – ро баррасӣ намуданд
Дар Пекин доир ба саҳми Пешвои миллат дар истиқрори сулҳ ва ваҳдати миллӣ дар Тоҷикистон мизи мудаввар баргузор гардид
Тоҷикистон ва Сингапур имконияти густариши ҳамкориро дар бахши иқтисоду сармоягузорӣ баррасӣ карданд
Дар Вена даври даҳуми машваратҳои сиёсӣ миёни Тоҷикистон ва Австрия баргузор гардид
Тоҷикистон ва Австрия аз сатҳи баланди ҳамкорӣ дар чорчӯби созмонҳои байналмилалӣ изҳори қаноатмандӣ карданд
Имрӯз дар шаҳри Нур-Султон нишасти кории роҳбарони Марказҳои тадқиқоти стратегии Осиёи Марказӣ доир гардид
Дар Вена бахшида ба 30-юмин солгарди барқароршавии робитаҳои дипломатӣ миёни Тоҷикистон ва Австрия мизи мудаввар баргузор гардид
Дар Таллин дар ҳамоиши махсус натиҷаҳои Конфронси дуюми байналмилалии Душанбе муаррифӣ гардиданд
Тоҷикистон ва Нидерланд баргузории Конфронси дуюми байналмилалии сатҳи баландро дар Душанбе натиҷагирӣ намуданд
Тоҷикистон ва Ҳиндустон ҳамкориро дар бахшҳои илму фанноварӣ баррасӣ карданд
Ҳайати Тоҷикистон дар Симпозиуми сатҳи баланд оид ба об дар Лисабон иштирок намуд
Ҳайати Тоҷикистон дар Конфронси Созмони Миллали Муттаҳид оид ба уқёнус дар Лисабон иштирок намуд