«ҲАРАКАТИ ЭҶОДИИ НАВИСАНДАГОНИ МУОСИРИ ТОҶИК». Хонандаи шаҳри Душанбе Садафмоҳ Азимова ғолиби ин озмун гардид
ДУШАНБЕ, 12.05.2022. /АМИТ «Ховар»/. Хонандаи синфи 11-и Литсейи №2 барои хонандагони болаёқати шаҳри Душанбе Садафмоҳ Азимова дар даври дуюми лоиҳа-озмуни «Ҳаракати эҷодии нависандагони муосири тоҷик» ғолиб гардида, барои иштирок дар даври ниҳоӣ, ки дар шаҳри Москваи Русия баргузор мегардад, роҳхат ба даст овард, хабар доданд дар Сарраёсати маорифи шаҳри Душанбе.
Тавре Садафмоҳ Азимова дар суҳбат бо АМИТ «Ховар» иброз дошт, озмун дар ду давр баргузор гардида, дар он зиёда аз 60 нафар довталабон иштирок доштанд.
Даври аввали озмун тариқи онлайн сурат гирифта, ба он олимону донишмандони шеъру адаб баҳо гузоштанд. Даври дуюми озмун дар китобхонаи шаҳрии ба номи А. Лоҳутӣ баргузор гардида, дар он шахсиятҳои гуногуни ҷомеа, ки ба навиштани шеъру ҳикоя (назму наср) машғул буданд, ширкат варзиданд.
«Ман ба озмун як ҳикоя ва повести худро пешниҳод намуда, аз миёни 60 нафар довталабон, ки 4 нафарашон ғолиби даври ниҳоӣ гардиданд, ғолиб дониста шудам ва аз тарафи мутасаддиёни озмун бо сертификат (гувоҳнома), туҳфаҳо (ноутбук, китобҳои гаронарзиш, роҳхат ба шаҳри Москва) сарфароз шуда, ҳамчунин ба даври байналмилалии озмун дар шаҳри Москва роҳхат гирифтам», — гуфт Садафмоҳ Азимова.
Мақсад аз баргузории озмун- дастгирӣ ва муаррифии шоирону нависандагони ҷавон мебошад.
«Ман аз синни хурдӣ ба навиштани мақолаҳои насрӣ оғоз намуда будам. Сарчашмаи ин муваффақиятамро аз иштирок дар озмуни ҷумҳуриявии «Фурӯғи субҳи доноӣ китоб аст» мебинам, ки бо шарофати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳандозӣ гардидааст. Соли гузашта бо роҳбарии омӯзгори фанни забон ва адабиёти тоҷик, устодам Ҷамолиддин Сироҷзода ғолиби ин озмуни ҷумҳуриявӣ гардидам», -мегӯяд ӯ.
АКС: Сарраёсати маорифи шаҳри Душанбе
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
