Аз истгоҳҳои роҳи оҳани Хатлон 2 ҳазору 700 тонна пиёзи хушсифат содирот гардидааст

Май 10, 2022 08:57

ДУШАНБЕ, 10.05.2022 /АМИТ «Ховар»/. Аз истгоҳҳои роҳи оҳани вилояти Хатлон ба давлатҳои хориҷӣ 2 ҳазору 700 тонна пиёзи хушсифат содирот шудаву ин рақам рӯ ба афзоиш аст. Дар ин бора 6 май зимни боздиди Раиси вилояти Хатлон Қурбон Ҳакимзода ва сардори Корхонаи воҳиди давлатии «Роҳи оҳани Тоҷикистон» Комил Мирзоалӣ аз роҳи оҳани вилоят иттилоъ дода шуд.

Тавре дар шуъбаи иттилоот ва таҳлилии дастгоҳи Раиси вилояти Хатлон иттилоъ доданд, дар корхонаи роҳи оҳани вилоят бо мақсади содироти маҳсулоти кишоварзӣ, аз ҷумла пиёз тадбирҳо андешида, соҳибкорон бо истифода аз имтиёзҳо маҳсулоти мавриди ниёзи аввал — пиёзи барвақтиро ба Қазоқистон ва Русия мебаранд.

Хатлон яке аз вилоятҳои калонтарини аграрии ҷумҳурӣ маҳсуб мешавад. Ҳамасола аз шаҳру ноҳияҳои вилоят маҳсулоти гуногуни кишоварзии мавриди ниёзи аввал ба дигар давлатҳо содирот шуда, ин тадбир дар некуаҳволии сокинон нақши созгор дорад.

Ҷиҳати иҷрои дастуру супоришҳои Сарвари давлат дар самти беҳтар ба роҳ мондани содироти маҳсулоти кишоварзӣ тамоми сохторҳои марбута вазифадор гаштаанд, ки бо истифода аз имконияти мавҷуда ба раванди корҳои содиротӣ аҳамияти ҷиддӣ равона созанд.

Раиси вилояти Хатлон ба масъулин бобати босифат ва сари вақт банду баст кардани пиёз ва дар муҳлати пешбинишуда ба ҷойи зарурӣ расонидани он маслиҳатҳои муфид дод.

Зикр шуд, ки масъулини шаҳру ноҳияҳое, ки содироти маҳсулоти кишоварзӣ, аз ҷумла пиёзро ба роҳ мемонанд, бояд ба сифати банду баст ва беҳдошти маҳсулот диққати аввалиндараҷа дода, ҳамзамон бо дастгирии мақомоти шуғли аҳолӣ шахсони корҷӯйро ба корҳои мавсимӣ ҷалб намоянд.

АКС: Мақомоти иҷроияи ҳокимияти давлатии вилояти Хатлон

Май 10, 2022 08:57

Хабарҳои дигари ин бахш

Ширкатҳои сайёҳии Тоҷикистон ва Арабистони Саудӣ беш аз 20 шартномаи ҳамкорӣ ба имзо расониданд
Дар ноҳияи Бобоҷон Ғафуров бо беш аз 1 миллион доллар сармояи соҳибкорони узбек гармхонаи замонавӣ сохта мешавад
Устувории роҳҳои муҳими мошингарди Тоҷикистон ба офатҳои табиӣ баланд бардошта мешавад
Тоҷикистон ва Арабистони Саудӣ корхонаҳои муштараки коркарди маҳсулоти кишоварзӣ таъсис медиҳанд
САНАДИ НАВ. Тоҷикистон нақша дорад, ки ҳамасола 100 000 ҷойҳои корӣ таъсис диҳад
Пагоҳ намояндагони корпуси дипломатӣ ва созмонҳои байналмилалӣ аз Резервати биосферии «Ромит» дидан менамоянд
Туркия тасмим гирифтааст, ки намояндагии бонкҳои тиҷоратиашро дар Тоҷикистон ифтитоҳ намояд
Кишоварзони Кӯлоб заминҳои корамро самаранок истифода бурда, аз он ду-се ҳосил мерўёнанд
Вазири саноат ва технологияҳои нав Шералӣ Кабир аз корхонаҳои саноатии ноҳияи Шуғнон дидан намуд
Дар Душанбе тақвияти иқтидори соҳибкории хурду миёна дар Тоҷикистон баррасӣ гардид
Тоҷикистон ва Арабистони Саудӣ ҳамкориро дар соҳаи сайёҳӣ таҳким мебахшанд
Муовини Сарвазири мамлакат Сулаймон Зиёзода бо ҳолати корҳои кишоварзии ноҳияи Шуғнон шинос шуд