БА ПЕШВОЗИ 35-СОЛАГИИ ИСТИҚЛОЛИ ДАВЛАТӢ. Дар Роштқалъа барои 640 хонанда бинои муосири таълимӣ бунёд мешавад
ХОРУҒ, 17.05.2022 /АМИТ «Ховар»/. Дар маркази ноҳияи Роштқалъаи Вилояти Мухтори Кӯҳистони Бадахшон бунёди бинои муосири таълимӣ иборат аз чаҳор ошёна ва барои 640 ҷои нишаст оғоз ёфт. Бинокорони ширкати «Помирсохтмон» маҳали сохтмони таълимгоҳи навро бо истифода аз панҷ техникаи пуриқтидор ҳамвор намуда, ҳафтаи оянда таҳкурсии биноро мегузоранд, иттилоъ медиҳад мухбири минтақавии АМИТ «Ховар» Файз МИРАСАН.
Мудири шуъбаи маорифи ноҳия Мамадамбар Мамадамбаров гуфт, ки «пас аз мавриди истифода қарор гирифтани бино хонандагон ба як басти таҳсил мегузаранд. То ҳол ин муассисаи таълимӣ дар ду баст фаъолият дошт. Дар фасли зимистон, ки ҳаво сарду рӯзҳо кӯтоҳанд, хонандагон бо душвориҳои зиёд рӯ ба рӯ мешаванд. Бинобар ин омӯзгорону хонандагон ва волидони онҳо ин тасмими Ҳукумати кишварро бо хушҳолӣ истиқбол гирифта, миннатдории худро шахсан ба Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон баён намуданд».
Ба гуфтаи мудири маорифи ноҳия, «ин таълимгоҳ дар оянда ба такягоҳи муҳими соҳаи маориф табдил ёфта, дар пешрафти таълиму тарбияи дигар муассисаҳои таълимӣ нақши муассир мегузорад».
Бинои мазкур бо маблағгузории Муассисаи давлатии Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон дар масоҳати 0,62 гектар бунёд мегардад.
Корҳои сохтмони биноро Ҷамъияти масъулияташ маҳдуди “Помирсохтмон” ба уҳда дорад. Дар марҳилаи аввал 4 миллион сомонӣ ҷудо гардида, 10 нафар сокинони маҳаллӣ ба ҳамворкунии замин машғуланд. Дар маҷмӯъ барои бунёди таълимгоҳи мазкур 28 миллион сомонӣ ҷудо шуда, он дар арафаи ҷашни 35-умин солгарди Истиқлоли давлатии Тоҷикистон мавриди баҳрабардорӣ қарор дода мешавад.
АКС: АМИТ «Ховар»
Донишҷӯёни тоҷик дар олимпиадаи информатика байни 70 муассисаи олии ҷаҳон сазовори ҷойҳои намоён гардиданд
Ҳамкории Донишкадаи кӯҳию металлургии Тоҷикистон бо муассисаҳои олии Узбекистон густариш меёбад
Дар Донишгоҳи давлатии Кӯлоб даври донишгоҳии Озмуни ҷумҳуриявии «Илм-фурӯғи маърифат» баргузор гардид
35-СОЛАГИИ ИСТИҚЛОЛИДАВЛАТӢ. Дар вилояти Хатлон 2762 биною иншоот мавриди истифода қарор гирифтааст
Дар Донишгоҳи давлатии Бохтар конференсияи илмӣ — назариявӣ доир гардид
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон осоишгоҳи замонавӣ бунёд мегардад
ИЛМ-АСОСИ РУШДИ ИННОВАТСИОНӢ. Таҳти ин унвон дар Душанбе конференсияи байналмилалӣ баргузор шуд
Дар Тоҷикистон Фестивал- намоишгоҳи якуми байналмилалии муассисаҳои таҳсилоти олии касбии давлатҳои хориҷӣ баргузор мегардад
Доир ба нақш ва ҷойгоҳи муҳаққиқони ватанӣ дар рушди илми ҳуқуқшиносӣ конференсияи ҷумҳуриявӣ баргузор шуд
Президенти Тоҷикистон Эмомалӣ Раҳмон дар шаҳри Душанбе корхонаи бофандагии Ҷамъияти саҳомии кушодаи «Пиллаи тоҷик»-ро ифтитоҳ намуданд
Пешвои миллат Эмомалӣ Раҳмон дар шаҳри Душанбе Меҳмонхонаи «Кангурт Гранд Ҳотел»-ро мавриди истифода қарор доданд
Сарвари давлат Эмомалӣ Раҳмон дар шаҳри Душанбе бинои бисёрфунксионалӣ бо ҷойгиршавии Меҳмонхонаи чорситорадори «Фирдавсӣ»-ро ифтитоҳ намуданд
