БА ПЕШВОЗИ РӮЗИ ҶАВОНОН. Дар Донишкадаи давлатии санъати тасвирӣ ва дизайни Тоҷикистон ҳамоиш доир гардид
ДУШАНБЕ, 19.05.2022. /АМИТ «Ховар»/. 18 май дар Донишкадаи давлатии санъати тасвирӣ ва дизайни Тоҷикистон ба муносибати Рӯзи ҷавонон ва 30-солагии Иттифоқи ҷавонони Тоҷикистон бо иштироки васеи донишҷӯёну омӯзгорон ва хонандагони мактабҳои миёнаи шаҳри Душанбе, ки нияти ба ин донишкада дохил шудан доранд, ҳамоиши тантанавии иттилоотӣ-ташвиқотӣ ва фарҳангӣ барпо гардид, хабар доданд ба АМИТ «Ховар» дар донишкадаи мазкур.
Дар ҳамоиш ректори донишкада, номзади илмҳои меъморӣ, профессор Ҷамшед Ғанизода аз саҳми муҳими ҷавонон дар рушди санъати тасвирии ҷумҳурӣ ёдовар шуда, аҳли толорро бо санаи муҳими таърихӣ — Рӯзи ҷавонони Тоҷикистон ва 30-солагии Иттифоқи ҷавонони Тоҷикистон табрик гуфт.
Муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Сураҷ Чоршанбизода зикр намуд, ки «Ҳукумати ҷумҳурӣ тайи солҳои соҳибистиқлолӣ ба масъалаи сиёсати ҷавонон диққати ҷиддӣ зоҳир менамояд. Тоҷикистон миёни мамлакатҳои муштаракулманофеъ аввалин шуда, дар бораи сиёсати ҷавонон қонун қабул намуд. Дар 30 соли истиқлол дар ҷумҳурӣ барои ҷавонон якчанд имтиёзҳо муқаррар карда шуданд. Зиёда аз 40 ҳазор ҷавони тоҷик дар хориҷи кишвар таҳсил мекунанд. Сафи гирандагони идрорпулии президентӣ сол ба сол афзоиш меёбад. Албатта, ҳамаи проблемаи ҷавононро дар муддати кӯтоҳ ҳал кардан мушкил аст. Бо вуҷуди ин, Кумитаи кор бо ҷавонон ва варзиш барои ҳалли проблема ва беҳтар кардани шароити кору таҳсили ҷавонон кӯшиши зиёде ба харҷ медиҳад. Ҷавонон бояд дар раванди ҷаҳонишавии муносибат ва урфу одатҳо зиракии сиёсиро аз даст надода, ба дасисабозии душманони миллат дода нашаванд».
Ҳоло Кумита дар дохили ҷумҳурӣ вохӯрии ҷавонони як вилоят бо вилояти дигарро ташкил менамояд. Аллакай дар доираи ин чорабинӣ беш аз 2 ҳазор ҷавонон аз Суғд дидан карда, бо ҷавонони ин вилоят ва тарзи зисти онҳо шинос шуда, миёни ҳамдигар дӯстӣ барқарор намуданд.
Дар хатми ҳамоиш ба чанд нафар кормандони масъули донишкада сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва ба як гурӯҳ донишҷӯён барои иштироки фаъолона дар озмунҳои ҷумҳуриявии “Фурӯғи субҳи доноӣ китоб аст” ва “Илм-фурӯғи маърифат” ифтихорномаҳо, мукофоти пулии раёсат ва иттифоқи касабаи донишкада супорида шуданд.
АКС: Донишкадаи давлатии санъати тасвирӣ ва дизайни Тоҷикистон
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
