Ба собиқадорони Ҷанги дуюми ҷаҳонии шаҳри Турсунзода кумакпулии Пешвои миллат супорида шуд
ТУРСУНЗОДА, 05.05.2022 /АМИТ «Ховар»/. Ба истиқболи 77-умин солгарди Ғалаба дар Ҷанги дуюми ҷаҳонӣ собиқадорони ҷанг аз шаҳри Турсунзода бо кумакпулии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳаҷми понздаҳ ҳазор сомонӣ қадрдонӣ шуданд, хабар медиҳад мухбири минтақавии АМИТ «Ховар» Субҳониддини МАҲМУД.
Намояндаи Ҳукумати Ҷумҳурии Тоҷикистон Гулҷаҳон Абдуфаттоҳзода ва раиси шаҳри Турсунзода Парвиз Акрамзода ба аёдати иштирокчиёни ҷанг рафта, кумакпулиро ба онҳо супориданд.
Гулҷаҳон Абдуфаттоҳзода изҳор дошт, ки шуҷоату диловарии ҳар як иштирокчии Ҷанги дуюми ҷаҳонӣ намунаи олии ватандӯстӣ ва сабақи беҳтарини мардонагиву ватандорӣ барои насли ҷавон ба ҳисоб меравад.
Собиқадорони ҷанг барои дастгирии навбатӣ ба Ҳукумати мамлакат, бахусус ба Пешвои миллат арзи сипос намуда, ҷиҳати шукуфоӣ ва фардои дурахшони Ватан дуои хайр карданд.
Тавре котиби матбуоти раиси шаҳри Турсунзода Фирўз Холиқов иттилоъ дод, ба муносибати 77-умин солгарди Ғалаба дар пояи «Лавҳаи хотира»-и шаҳидон ва иштирокчиёни Ҷанги дуюми ҷаҳонии деҳаи Қаратоғ чорабинии тантанавӣ баргузор шуд.
Зикр гардид, ки шаҳидони ҷанг абадзиндаанд ва меҳнаткашони ақибгоҳ, ки асосан модарон, пирону кӯдаконро ташкил медод, меҳнати вазнину сангинро иҷро намуда, охирин бурдаи нони худро ба фронт равон карданд ва дар таъмини ғалаба бар фашизм саҳми муносиб гузоштанд.
Дар чорабинӣ хонандагони Муассисаи таҳсилоти миёнаи умумии №12-и шаҳр доир ба ҷонфидоиҳои фарзандони шуҷои миллат маърӯза ва шеърҳои ватанпарастона қироат намуданд.
Ёдовар мешавем, ки дар солҳои Ҷанги дуюми ҷаҳонӣ беш аз 5 ҳазор ҷавонмардони шаҳри Турсунзода ба ҷанг сафарбар гардида, зиёда аз 2200 нафари онҳо шаҳид шуданд.
Дар баробари дигар диловарони Ватан аз деҳаи Қаратоғи шаҳри Турсунзода 572 нафар ба майдони ҷабҳа бар зидди фашизм баромада, 234 нафари онҳо ҷавонмардона муҳориба бурданд ва шаҳид гардиданд.
Соли равон 77-солагии иди Ғалабаро дар шаҳри Турсунзода ҳамагӣ 2 нафар собиқадорони ҷанг ва 4 нафар меҳнаткашони ақибгоҳ ҷашн мегиранд.
АКС: Мақомоти иҷроияи ҳокимияти давлатии шаҳри Турсунзода
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
150 нафар соҳиби шаҳодатномаи маҳфили «Пайравони Пешвои миллат» гардиданд
ОГОҲӢ! Аз 6 то 8 июн дар баъзе минтақаҳои Тоҷикистон омадани сел пешгӯӣ мешавад
Татбиқи лоиҳаи «Таҳсилоти касбию техникӣ ва омӯзиш дар минтақаҳои кӯҳии Ҷумҳурии Тоҷикистон» баррасӣ гардид
Дар Кӯлоб аксари иншооти аз офати табиӣ осебдида барқарор гардида, оилаҳои зарардида соҳиби хонаҳои нав мешаванд
Дар Душанбе Форуми соҳибкории занон, сармоягузорӣ ва технология оғоз гардид
ТАЪТИЛИ ТОБИСТОНА. 24 истироҳатгоҳи мавсимии беруназшаҳрӣ барои қабули кӯдакону наврасон омода мебошанд
Дар ноҳияи Айнӣ пайомадҳои офати табиӣ бартараф мегарданд
Нахустин ҷаласаи Раёсати Шурои ҷамъиятии «Занони Тоҷикистон» баргузор шуд
Дар шаҳри Хуҷанд мавсими нави оббозӣ дар шиногоҳи соҳили дарёи Сир оғоз гардид
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Самтҳои афзалиятноки ҳамкорӣ дар соҳаи таҳсилоти касбӣ бо Намояндагии ЮНИСЕФ дар Тоҷикистон баррасӣ гардид
