Бахшида ба Рӯзи байналмилалии ҳифзи кӯдакон дар муассисаҳои иҷтимоии шаҳри Хуҷанд барномаҳои идона доир мешаванд
ДУШАНБЕ, 31.05.2022 /АМИТ «Ховар»/. Имрӯз бахшида ба Рӯзи байналмилалии ҳифзи кӯдакон дар тамоми муассисаҳои иҷтимоии шаҳри Хуҷанд аёдати тарбиятгирандагон сурат гирифта, барномаҳои идона баргузор карда мешаванд, хабар доданд ба АМИТ «Ховар» дар дафтари матбуоти Раиси шаҳри Хуҷанд.
Бо ибтикори Мақомоти иҷроияи ҳокимияти давлатии шаҳри Хуҷанд дар муассисаҳои мазкур бо ҳузури намояндагони сарпарастҳои муайяншуда барномаҳои идона баргузор ва бошандагони ин муассисаҳои иҷтимоӣ бо аёдату ғамхорӣ фаро гирифта мешаванд.
Ба ин муассисаҳо, аз ҷумла Маркази дастгирии оила ва кӯдак, Маҷмааи кӯдакистон-мактаби махсус барои кӯдакони қувваи босираашон суст ва нобинои шаҳр, Муассисаи таҳсилоти томактабии ширхоргоҳ-кӯдакистони №26-и кӯдакони имконияташон маҳдуд ва ношунавои шаҳр, Мактаб-интернати ёрирасони шаҳри Хуҷанд, Муассисаи давлатии “Маркази солимгардонии норасоӣ ва ҳифзи кӯдакон”-и шаҳр дохил мешаванд.
Ҳамчунин пагоҳ, 1 июн дар Боғи фарҳангӣ-фароғатии шаҳри Хуҷанд бахшида ба Рӯзи байналмилалии ҳифзи кӯдакон барномаи калони идонаи фарҳангӣ доир мегардад.
АКС: Дафтари матбуоти Раиси шаҳри Хуҷанд
Маҳкам Маҳмудзода: «Истиқлоли давлатӣ дастоварди волотарини давлати тоҷикон маҳсуб мешавад»
Дар вилояти Хатлон бо иштироки беш аз 50 ҳазор нафар роҳпаймоии идона доир шуд
Дар Бадахшон бахшида ба 35–солагии Истиқлоли давлатӣ гузашти низомӣ ва роҳпаймоии оммавӣ доир гардид
Филми «Пешво аз қалби мардум» дар байни тамошобинон маҳбубияти зиёд пайдо намуд
НАҚШИ ПЕШВОИ МИЛЛАТ МУҲТАРАМ ЭМОМАЛӢ РАҲМОН ДАР ЭҲЁИ ДАВЛАТСОЗИИ МИЛЛӢ. Мулоҳизаҳо дар ин маврид
Як зумра кормандони гуногункасб, хизматчиёни давлатӣ ва рӯзноманигорон бо мукофотҳои давлатӣ қадрдонӣ гардиданд
Ҳамкории ҳизбӣ байни Тоҷикистон ва Узбекистон тақвият меёбад
Тоҷикистон бо қабули қонунҳои миллӣ барои давлатҳои Осиёи Марказӣ намуна мебошад
Кормандони соҳаи телевизион ва радио бо мукофотҳои давлатӣ сарфароз гардонида шуданд
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Соли 2026 дар Федератсияи Русия барои бо ҷойи кор таъмин намудани шаҳрвандони Тоҷикистон беш аз 40 вохӯрӣ доир шуд
