«Бонки Эсхата» соҳибкорон ва мизоҷонро баҳри идомаи тиҷорати муваффақона дар давраи буҳронӣ дастгирӣ менамояд

Май 31, 2022 13:31

ДУШАНБЕ, 31.05.2022 /АМИТ «Ховар»/. 23-24 май ҶСК «Бонки Эсхата» барои мизоҷони худ – соҳибкорони хурду миёна ва инчунин мизоҷони корпоративӣ дар мавзӯи «Менеҷмент дар давраи буҳронӣ» дар Душанбе семинар доир намуд. Дар ин бора ба АМИТ «Ховар» дар ҶСК «Бонки Эсхата»  хабар доданд.

Барои гузаронидани семинар муассис ва шарики роҳбарикунандаи ширкати «TOP Consulting» Мирзоиброҳим Иброҳимов даъват карда шуд. Дар семинар намояндагони ширкатҳои ҶДММ «Тоҷпласт -1», ҶДММ «Моҳи Дона», ҶДММ «Мурғи Шоҳ», ҶДММ «Дунёи кӯдакон», ҶДММ «Таҷеро», «Телеком Технолоҷи» ва ғайра ширкат варзиданд.

«Тағйирот дар тамоми замонҳо рух медиҳад, танҳо фарқият дар он аст, ки суръати он меафзояд. Тадбирҳои пешакӣ андешида ва тайёрӣ ба дигаргуниҳо ба соҳибони тиҷорат барои нигоҳдорӣ ва рушди соҳибкорӣ ёрӣ мерасонанд, зеро буҳрон имконияти нав мекушояд. Вазифаи ман нишон додани роҳи он аст, ки дар давраи буҳрон чӣ гуна мушкилотро ба имконият табдил додан мумкин аст. Чӣ қадаре ки корхона аз уҳдаи ҳалли ин мушкилиҳо баромада тавонад, ҳамон қадар рушд мекунад”, — гуфт Мирзоиброҳим Иброҳимов.

Зимни семинар иштирокчиён ба корҳои амалӣ ҷалб карда шуда, аз уҳдаи иҷрои супоришҳо нағз баромаданд. Дар фарҷоми семинар ҳар иштирокчӣ мулоҳизаҳои худро баён намуда, ба тренер ва «Бонки Эсхата» барои пешниҳоди имконияти омӯхтани усулҳо ва роҳҳои идоракунии соҳибкорӣ дар давраи буҳрон изҳори сипос намуд.

Директори тиҷоратии ширкати Telecom Technology Далер Ғуломқодиров гуфт, «ман шодам, ки дар семинари TOP Consulting, ки аз ҷониби «Бонки Эсхата» барои мизоҷонаш ташкил карда шудааст, иштирок кардам. Мояи хушнудист, ки бонк барои устувории мизоҷони худ ғамхорӣ мекунад. Хусусияти семинари мазкур дар иртиботи зич миёни тренер ва иштирокчиён буда, ман тавонистам ба саволҳои худ посухи дақиқ бигирам”.

Раиси ҶДММ «Дунёи кӯдакон» Матин Негматов чунин мегӯяд: «Семинари омӯзишӣ хеле муфид буд, махсусан дар замоне, ки дар ҷаҳон вазъияти буҳронӣ вуҷуд дорад. Миннатдории худро ба тренери семинар изҳор намуда, мехоҳам «Бонки Эсхата»-ро дар алоҳидагӣ зикр намоям. Ширкати мо бо «Бонки Эсхата» зиёда аз 3 сол боз ҳамкорӣ дорад. Бонк доимо ба мизоҷонаш ғамхорӣ карда, дар рушди соҳибкорӣ ва дастгирӣ саҳми босазо дорад».

Тренери семинар Мирзоиброҳим Иброҳимов иброз дошт, ки   «TOP Consulting ба «Бонки Эсхата» барои фароҳам намудани шароити мувофиқ барои вохӯрӣ бо чунин ашхоси олиҷаноб — муассисони ширкатҳо, намояндагон ва роҳбарони ширкатҳои пешқадами бахшҳои гуногун изҳори сипос баён менамояд. Ду рӯз хеле тез гузашт, вале ман фикр мекунам, ки иштирокчиён аз дастовардҳои худ қонеъ нашуда, дониши гирифтаашонро дар амал татбиқ менамоянд».

АКС: ҶСК «Бонки Эсхата»

Май 31, 2022 13:31

Хабарҳои дигари ин бахш

«НАВРӮЗ-МЕРОСИ ФАРҲАНГИИ САЙЁҲӢ». Дар доираи ин фестивал имконияти сайёҳӣ ва фарҳанги миллии тоҷикон муаррифӣ карда шуд
ҶУФТБАРОРОН. Ин маросим дар Наврӯз аз оғози кишту кори баҳорӣ башорат медод
РАВАНДИ ОБИ ДУШАНБЕ. Ҷомеаи ҷаҳон аз Конфронси оби СММ-2023 интизориҳои зиёд дорад
Дар ноҳияи Шаҳринав намоиши техникаи кишоварзӣ гузаронида шуд
Дар хоҷагиҳои деҳқонии Конибодом кишти чигит оғоз ёфт
Дар Бонки миллии Тоҷикистон Наврӯзро чун арзиши олии башарӣ таҷлил намуданд
«НАВРӮЗ-МЕРОСИ ФАРҲАНГИЮ САЙЁҲӢ». Пагоҳ дар Душанбе фестивали байналмилалӣ баргузор мешавад
Тоҷикистон дар Намоишгоҳи байналмилалии сайёҳии «MITT – 2023» иқтидори сайёҳии худро муаррифӣ намуд
Намояндагони Тоҷикистон дар Симпозиуми гуногунии биологӣ дар Чин иштирок менамоянд
Имрӯз вохӯрии роҳбарони мақомоти сайёҳии давлатҳои узви Созмони ҳамкории Шанхай доир шуд
Дар Хатлон Фонди дастгирии соҳибкорӣ ва телефони боварӣ барои муроҷиати соҳибкорон ташкил карда мешавад
Пулҳои коғазии намуна ва барориши соли 2022 ба муомилот бароварда мешаванд