Дар ҷаласаи ситоди вилоятии Хатлон масъалаи содироти маҳсулоти кишоварзӣ баррасӣ шуд

Май 4, 2022 09:37

ДУШАНБЕ, 04.05.2022 /АМИТ «Ховар»/. То 3 май аз вилояти Хатлон ба хориҷи кишвар тухми офтобпараст, донаи зардолу, писта, чормағзи заминӣ, меваи хушк, мағзи писта, пиёз, себ, олу, зардолу, сабзӣ, сирпиёз, лаблабу, карам, лимӯ ва ангур содирот гардидааст. Ин матлаб 3 май дар ҷаласаи ситоди вилоятӣ дар самти содироти маҳсулоти кишоварзӣ бо иштироки раиси вилояти Хатлон Қурбон Ҳакимзода баён гардид.

Тавре аз шуъбаи иттилоот ва таҳлилии дастгоҳи раиси вилояти Хатлон иттилоъ доданд, дар ҷаласа сардори раёсат ва мудирони шуъбаҳои Мақомоти иҷроияи ҳокимияти давлатии вилоят, роҳбарони ташкилоту муассисаҳои дахлдор ва роҳбарони ҳифзи ҳуқуқи вилоят иштирок доштанд.

Ҳадафи асосии ситод аз дасти ёрӣ дароз намудан ба истеҳсолотчиёни ватанӣ, содироткунандагони маҳсулоти кишоварзӣ, сода гардонидани ҳуҷҷатгузориҳо ва таъмини ҳавасмандии деҳқонону боғдорони вилоят иборат буд.

Қурбон Ҳакимзода иброз дошт, ки «зимни сафари корӣ ба вилояти Хатлон ва вохӯрӣ бо фаъолони вилоят Пешвои миллат муҳтарам Эмомалӣ Раҳмон 24 феврали соли 2022 дастуру супориш доданд, ки ба соҳаҳои саноату кишоварзӣ рушди тоза бахшида, ба содироти бештари маҳсулот ба хориҷи кишвар муваффақ гардем».

Дар ҷараёни ҷаласа зикр шуд, ки аз пардохтҳои беасос даст кашида, тавассути хадамоти гумруку омор ва дигар мақомоти назоратӣ бояд корҳои ҳуҷҷатгузорӣ дар вилоят ба расмият дароварда шаванд.

Дар ҷаласа ба хулосае омаданд, ки дар самти банду басти маҳсулот, омода кардани он барои содирот ба хориҷи кишвар, нархи маҳсулот, сифат ва бехатарии он бояд назорати ҷиддӣ ба кор бурд. Ҳамчунин аз тарафи аъзои ситод гурӯҳҳои корӣ таъсис ёфта, бояд бо деҳқонон ва истеҳсолотчиёну соҳибкорон машваратҳо бештар гузаронида шаванд.

АКС: шуъбаи иттилоот ва таҳлилии дастгоҳи раиси вилояти Хатлон

Май 4, 2022 09:37

Хабарҳои дигари ин бахш

Лоиҳаҳои Фонди байналмилалии рушди кишоварзӣ баррасӣ гардиданд
ПЕШСАФИ ПАХТАЧИНӢ. Дар Мастчоҳ зиёда аз 7 ҳазор тонна пахта ҷамъоварӣ карда шудааст
Лоиҳаҳои сохтмони НБО-и «Роғун» ва таҷдиди НБО-и «Норак» бо ҳайати Бонки ҷаҳонӣ баррасӣ гардид
Вазири нақлиёти Тоҷикистон дар Сеул аз татбиқи тарҳҳои гуногун дар соҳаи нақлиёт бо Корея ёдовар шуд
Форуми тиҷоратии Тоҷикистон ва Швейтсария баргузор гардид
Ҷаласаи махсуси ҳамоҳангсозии гурӯҳи ИКАО оид ба такмили хатҳои ҳавоии минтақаи шарқ – «RDGE – SСМ/2025» доир шуд
ҲИСОБАРОБАРКУНИИ ҒАЙРИНАҚДӢ. Байни «Амонатбонк» ва Агентии суғуртаи иҷтимоӣ ва нафақа санади ҳамкорӣ ба имзо расид
Парвозҳои мустақим дар масири Сиан-Душанбе-Сиан оғоз гардиданд
Дар Душанбе конфронси байналмилалӣ оид ба роҳнамои стратегии рушди иқтисоди миллӣ доир мегардад
Ҷаласаи Гурӯҳи коршиносони миллӣ барои омодагӣ ба даври сеюми баҳодиҳии мутақобили низоми муайян доир шуд
Тақвияти ҳамкории Тоҷикистон ва Чин дар соҳаҳои технологияҳои иттилоотию рақамӣ баррасӣ гардид
ИСТИФОДАИ САМАРАНОКИ ЗАМИН. Фаъолияти Абдурауф Зиёев дар шаҳри Панҷакент барои ҳамдеҳагонаш намунаи ибрат аст