Дар арафаи Конфронси дуюми байналмилалӣ оид ба Даҳсолаи байналмилалии амал «Об барои рушди устувор» дар Анқара ҳамоиш доир шуд

Май 13, 2022 15:20

ДУШАНБЕ, 13.05.2022 /АМИТ «Ховар»/. Беш аз 160 намояндагии дипломатӣ, муассисаҳои консулӣ ва намояндагии созмонҳои байналмилалии муқими Туркия  дар брифинге, ки  дар намояндагии Созмони Милали Муттаҳид /СММ/ дар Туркия  дар мавзӯи Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» доир гардид, ба таври ҳузурӣ ва маҷозӣ иштирок намуданд. Дар ин бора ба мухбири АМИТ «Ховар» Манижа МАҚСУД дар Сафорати Ҷумҳурии Тоҷикистон дар Туркия иттилоъ доданд.

Брифинг бо суханони ифтитоҳии Ҳамоҳангсози доимии СММ дар Ҷумҳурии Туркия Алваро Родригес, Сафири Ҷумҳурии Тоҷикистон дар Ҷумҳурии Туркия Ашрафҷон Гулов ва сардори раёсати муҳити зист, тағйирёбии иқлим ва обҳои фаромарзии Вазорати корҳои хориҷии Ҷумҳурии Туркия доктор Аднан Алтай Алтинорс оғоз ёфт.

Сафири Ҷумҳурии Тоҷикистон дар Ҷумҳурии Туркия Ашрафҷон Гулов доир ба Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки 6-9 июни соли равон дар шаҳри Душанбе баргузор мегардад, маълумоти муфассал дод.


Зикр шуд, ки ташаббуси мазкур нахустин маротиба аз ҷониби Пешвои миллат муҳтарам Эмомалӣ Раҳмон 12 апрели соли 2015 дар Форуми 7-уми ҷаҳонии об дар Ҷумҳурии Корея пешниҳод гардида, аз ҷониби СММ дар ҳамовозии беш аз 190 давлати ҷаҳон бо Қатъномаи махсус қабул шудааст. Тибқи Қатъномаи мазкур, Даҳсолаи байналмилалии амал «Об барои рушди устувор, солҳои 2018-2028» дар Рӯзи байналмилалии захираҳои обӣ- 22 марти соли 2018 оғоз гардида, то 22 марти соли 2028 давом хоҳад ёфт.


Дар брифинг намояндаи сафорат ба ҳозирин муҳтавои баргузории конфронси зикршударо шарҳ дода, раванди омодагӣ ба он, барнома, консепсия ва дигар маълумоти дахлдори чорабиниро муаррифӣ намуд. Ҳамзамон иштирокчиён паҳлӯҳои гуногуни масоили обу иқлимро муҳокима карда, вобаста ба нақши конфронс дар раванди омодагӣ ба Конфронси соли ояндаи СММ оид ба баррасии миёнамуҳлати Даҳсолаи дуюми об суханронӣ намуданд.

Дар фарҷом мусоҳибаи Сафири Ҷумҳурии Тоҷикистон дар Ҷумҳурии Туркия Ашрафҷон Гулов бо хабарнигорони ширкати телевизиону радиои Туркия TRT оид ба ташаббусҳои байналмилалии марбут ба оби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сурат гирифт.

АКС: Сафорати ҶТ дар Анқара

Май 13, 2022 15:20

Хабарҳои дигари ин бахш

Дар Москва бо ҷавонон ва донишҷӯёни тоҷик мулоқот доир гардид
Конфронси байналмилалии «Раванди Душанбе оид ба мубориза бо терроризм ва маблағгузории он» дар Давлати Кувайт баргузор мешавад
Сарвазири Тоҷикистон Қоҳир Расулзода дар ҷаласаи навбатии Шурои сарони ҳукуматҳои ИДМ дар Ашқобод иштирок намуд
Дар Исломобод конфронси байналмилалӣ марбут ба масъалаҳои обу иқлим баргузор шуд
Сарвазири Тоҷикистон Қоҳир Расулзода бо Президенти Туркманистон Сердар Бердимуҳамедов мулоқот анҷом дод
АРЗҲОИ ДӮСТӢ. 29 май аз барқарории муносибатҳои дипломатӣ байни Тоҷикистон ва Озарбойҷон 32 сол сипарӣ мегардад
Cафири Тоҷикистон бо ректори Донишгоҳи технологияҳои муҳандисии Туркманистон ба номи Оғузхон мулоқот намуд
Сироҷиддин Муҳриддин ва Мурат Нуртлеу масъалаҳои мубрами муносибатҳои Тоҷикистон ва Казоқистонро муҳокима намуданд
Сироҷиддин Муҳриддин ва Сергей Лавров омодагӣ ба музокироти дуюми байниидоравии Тоҷикистон ва Русияро баррасӣ намуданд
Дар Женева ҷаласаи ҳамоҳангсозони Барномаи махсуси Созмони Милали Муттаҳид барои иқтисодиёти Осиёи Марказӣ баргузор гардид
Ҳайати Тоҷикистон дар Конфронси байналмилалии амнияти ҳаставӣ дар Вена иштирок дорад
Вазири корҳои хориҷии Тоҷикистон дар ҷаласаи Шурои вазирони корҳои хориҷии Созмони ҳамкории Шанхай иштирок намуд