Дар Душанбе Созишнома оид ба маблағгузории Лоиҳаи барқарорсозии неругоҳи «Норак», марҳилаи II ба имзо расид
ДУШАНБЕ, 19.05.2022 /АМИТ «Ховар»/. Дар шаҳри Душанбе маросими имзои Созишнома оид ба маблағгузории Лоиҳаи барқарорсозии Неругоҳи барқи обии «Норак», марҳилаи II миёни Ҷумҳурии Тоҷикистон ва Ассотсиатсияи Байналмилалии Рушд, инчунин Созишномаи лоиҳавӣ (Лоиҳаи барқарорсозии Неругоҳи барқи обии «Норак», марҳилаи II) миёни Ассотсиатсияи Байналмилалии Рушд ва ШСХК «Барқи Тоҷик» баргузор гардид, иттилоъ доданд дар Вазорати молияи ҷумҳурӣ ба АМИТ «Ховар».
Созишнома оид ба маблағгузориро аз тарафи Ҳукумати Ҷумҳурии Тоҷикистон Вазири молияи Ҷумҳурии Тоҷикистон Файзиддин Қаҳҳорзода, Созишномаи лоиҳавиро Раиси ШСХК «Барқи Тоҷик» – Маҳмадумар Асозода ва аз тарафи Ассотсиатсияи Байналмилалии Рушд Озан Севимлӣ – Намояндаи доимии Бонки ҷаҳонӣ дар Тоҷикистон ба имзо расониданд, ки маблағи он 65,0 миллион доллари амрикоӣ (маблағи грантӣ)-ро ташкил медиҳад.
Муҳлати умумии татбиқи лоиҳа 10 солро ташкил дода, бо дарназардошти дастрасии маблағҳо лоиҳа дар ду марҳила амалӣ мешавад.
Марҳилаи якуми лоиҳа аз 3 қисм — иваз намудани 3 адад агрегат ва таҷҳизоти ёрирасони онҳо, иваз намудани автотрансформаторҳо (6 адад автотрансформатори якфазаи 220/500кВ) ва таъмини бехатарии садд иборат буда, муҳлати татбиқи он давоми 5 сол (солҳои 2019-2023) пешбинӣ гардидааст. Дар маҷмӯъ, то имрӯз барои маблағгузории марҳилаи якуми лоиҳа 326,9 миллион доллари амрикоӣ ҷалб гардидааст, ки аз он 169,1 млн доллар – қарз ва 57,8 млн доллар гранти Бонки ҷаҳонӣ, 60 миллион доллар қарзи Бонки Осиёии Сармоягзориҳои Инфрасохторӣ ва 40 миллион доллар қарзи Бонки Авруосиёии Рушд мебошад.
Марҳилаи дуюми лоиҳа таҷдиди 6 агрегати боқимонда ва таъмири асосии қисмҳои обгузари гидротурбинаҳо, иваз намудани трансформаторҳои баландкунандаи шиддат, иваз намудани дастгоҳи тақсимкунандаи 6 кВ дар толори мошинҳо ва механизмҳои борбардор бо тавоноии 360 тонна ва дигар таҷҳизоти зарурии ёрирасонро дар бар гирифта, давоми 5 сол (то соли 2028) татбиқ мешавад.
То имрӯз барои марҳилаи мазкур 50,0 млн доллари амрикоӣ грант пешниҳод гардида, созишномаи молиявӣ ба имзо расидааст.
АКС: Вазорати молияи Ҷумҳурии Тоҷикистон
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд
