Дар ноҳияи Сангвор ба иштирокчии Ҷанги дуюми ҷаҳонӣ Достӣ Умедов туҳфаҳои Сарвари давлат супорида шуданд
САНГВОР, 07.05.2022 /АМИТ «Ховар»/. Дар ноҳияи Сангвор ҳамагӣ як нафар иштирокчии Ҷанги дуюми ҷаҳонӣ — Достӣ Умедов боқӣ мондааст, ки дар деҳаи Пашори ноҳия дар ҳалқаи фарзандону наберагон давлати пирӣ меронад, иттилоъ медиҳад мухбири минтақавии АМИТ «Ховар» Субҳониддини МАҲМУД.
Дар арафаи таҷлили солгарди 77-уми Рӯзи Ғалаба намояндаи Ҳукумати мамлакат, муовини Вазири меҳнат, муҳоҷират ва шуғли аҳолии Ҷумҳурии Тоҷикистон Алишер Ализода ба ноҳияи Сангвор сафар карда, ҳамроҳ бо намояндагони ҳукумати ноҳияи Сангвор ба аёдати ин пири барнодил рафтанд.
Намояндаи Ҳукумати Ҷумҳурии Тоҷикистон бо аҳвол ва зиндагии иштирокчии ҶДҶ аз наздик шинос шуда, салому паём ва туҳфаҳои Сарвари давлатро ба ин марди ватандӯст супорид.
Зикр гардид, ки ба қадри хизмату ҷонбозиҳои ин мардони шариф, ки баҳри ҳимояи Ватан дар он набарди таърихӣ бар зидди душмани қаттол сина сипар намудаанд, бояд расид, зеро шумораи онҳо сол ба сол кам мешавад.
Пири барнодил Достӣ Умедов аз ғамхорию дастгириҳои Сарвари давлат пайваста бархурдор буда, аз расидани кумаки навбатӣ бениҳоят хушҳол шуда, дар ҳаққи Пешвои миллат муҳтарам Эмомалӣ Раҳмон дуои нек намуд.
АКС: Мақомоти иҷроияи ҳокимияти давлатии ноҳияи Сангвор
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
150 нафар соҳиби шаҳодатномаи маҳфили «Пайравони Пешвои миллат» гардиданд
ОГОҲӢ! Аз 6 то 8 июн дар баъзе минтақаҳои Тоҷикистон омадани сел пешгӯӣ мешавад
Татбиқи лоиҳаи «Таҳсилоти касбию техникӣ ва омӯзиш дар минтақаҳои кӯҳии Ҷумҳурии Тоҷикистон» баррасӣ гардид
Дар Кӯлоб аксари иншооти аз офати табиӣ осебдида барқарор гардида, оилаҳои зарардида соҳиби хонаҳои нав мешаванд
Дар Душанбе Форуми соҳибкории занон, сармоягузорӣ ва технология оғоз гардид
ТАЪТИЛИ ТОБИСТОНА. 24 истироҳатгоҳи мавсимии беруназшаҳрӣ барои қабули кӯдакону наврасон омода мебошанд
Дар ноҳияи Айнӣ пайомадҳои офати табиӣ бартараф мегарданд
Нахустин ҷаласаи Раёсати Шурои ҷамъиятии «Занони Тоҷикистон» баргузор шуд
Дар шаҳри Хуҷанд мавсими нави оббозӣ дар шиногоҳи соҳили дарёи Сир оғоз гардид
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
