Дар Тоҷикистон баҳри нест кардани малах корҳои кимиёвӣ ҷараён доранд

Май 5, 2022 11:28

ДУШАНБЕ, 05.05.2022 /АМИТ «Ховар»/. Имрӯзҳо дар Тоҷикистон баҳри нест кардани ҳашароти зароравори мавсимӣ, аз ҷумла малах корҳои кимиёвӣ ҷараён доранд. Аз ҷониби Муассисаи давлатии «Экспедитсияи мубориза бар зидди малах»-и Вазорати кишоварзии Ҷумҳурии Тоҷикистон баҳри нест кардани ин ҳашароти зарарасон 34 трактори дорупошӣ, 645 адад дорупошакҳои дастӣ, 6 автомошинаи дорупошӣ ва 840 нафар қувваи корӣ сафарбар гардидаанд.

Тавре сардори шуъбаи истеҳсолии Муассисаи давлатии «Экспедитсияи мубориза бар зидди малах» -и Вазорати кишоварзии Ҷумҳурии Тоҷикистон Дилшод Аҳмадов ба мухбири АМИТ «Ховар» иброз намуд, дар кишвар бори аввал ҳуҷуми малах соли 1936 ба қайд гирифта шуда буд. Аз соли 2008 инҷониб дар ноҳияҳои дурдасти мамлакат ҳуҷуми малах мушоҳида мешавад.

«Ҳуҷуми малах дар 34 шаҳру ноҳияҳои мамлакат, бахусус дар вилояти Хатлон ҷиддан нигаронкунанда мебошад, аз ҷумла дар ноҳияҳои Вахш, Шаҳритус, Данғара, Фархор, Қушониён ва Панҷ. Онҳо гулу гиёҳ ва барги сабзи дарахтонро дар майдонҳои калон хӯрда, пеш мераванд. Инчунин баъзе аз минтақаҳои кӯҳии навоҳии тобеи ҷумҳурӣ низ имрӯз ба чарогоҳи малах табдил ёфтаанд. Дар ин ҷо аз ҳама бештар талу теппаҳои шаҳри Ҳисор таҳти ҳуҷуми малах қарор гирифтааст. Ҳуҷуми малах асосан дар чарогоҳҳо бештар ба мушоҳида мерасанд»,- гуфт ӯ.

Ин ҳашарот тӯли се моҳ зарари худро мерасонад. Сипас ба тухммонӣ шурӯъ мекунад. Асосан малахҳо тухмҳои худро дар ҷойҳои дастнорас мегузоранд, ки барои нест кардани онҳо мушкилот пеш меояд.

МД «Экспедитсияи мубориза бар зидди малах»-и Вазорати кишоварзӣ барои рушди соҳаи кишоварзӣ, таъминоти аҳолӣ бо озуқаворӣ, ғанӣ гардонидани сабади истеъмолӣ, афзун намудани имкониятҳои содиротии маҳсулоти босифатро вазифаҳои асосии худ медонад. Яке аз омилҳои баланд бардоштани ҳосилнокии зироати кишоварзӣ- ин пешгирии саривақтӣ аз ҳар гуна касаливу ҳашароти зараррасон мебошад.

Ба гуфтаи олимони соҳаи кишоварзӣ, фасли тирамоҳ ва зимистони имсола нисбат ба солҳои қаблӣ гарму камбориш омад, аз ин рӯ авҷ гирифтани ҳар гуна касаливу афзоиши ҳашароти зараррасон дар назар аст. Масъулини соҳаро мебояд мубориза бар зидди касаливу ҳашароти зараррасонро ба роҳ монда, барои пешгирии паҳншавии онҳо дар ҷумҳурӣ тадбирҳои зарурӣ андешанд.

АКС аз манбаъҳои боз

Май 5, 2022 11:28

Хабарҳои дигари ин бахш

АЗ ИФТИТОҲИ ГУЗАРГОҲИ САРҲАДИИ «КУЛМА ҚАРОСӮ» 20 СОЛ СИПАРӢ ШУД. Нақши он дар тақвияти робитаҳои тиҷоратии Тоҷикистон ва Чин муассир аст
РӮЗИ БАЙНАЛМИЛАЛИИ МОРХӮР. Бахшида ба рӯзи ин ҳайвони нодир конференсия доир шуд
24 МАЙ- РӮЗИ БАЙНАЛМИЛАЛИИ БУЗИ МОРХӮР. Шумораи бузи кӯҳии пармашох–Морхӯр дар Тоҷикистон беш аз 6000 сарро ташкил медиҳад
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
Таваҷҷуҳи соҳибкорони Чин ба бунёди коргоҳ ва корхонаҳои истеҳсолӣ дар вилояти Хатлон меафзояд
Бар асари боронҳои пуршиддат дар Тоҷикистон 133 километр роҳ ва 14 пул зери об мондааст
КУМАКИ ПРЕЗИДЕНТИ ТОҶИКИСТОН БА РОҲДОРОН. Ба муассисаҳои хоҷагии роҳ ва нигоҳдории роҳҳои автомобилгарди минтақаи Рашт техникаи нав дастрас гардид
Саридораи геологияи назди Ҳукумати Ҷумҳурии Тоҷикистон соҳиби дастгоҳи замонавии рақамӣ шуд
Тағйирот ба Қонун «Дар бораи минтақаҳои озоди иқтисодӣ». Ҳадафи ниҳоӣ афзоиш додани содирот ва коҳиш додани воридот аст
Ҳайати Агентии назорати давлатии молиявӣ ва мубориза бо коррупсияи Тоҷикистон дар конференсияи минтақавӣ дар Тошканд иштирок намуд
Тоҷикистон ва Чин барои сармоягузорӣ ба кони ангишти «Шӯроб» созишнома ба имзо расониданд
Тоҷикистон ва Озарбойҷон ҳамкории афзалиятнокро тақвият медиҳанд