ДОНИШ-ЧАРОҒИ РАВШАН. Имкони таҳсил дар хориҷи кишвар барои хатмкунандагони вилояти Хатлон бештар гардид

Май 14, 2022 10:17

ДУШАНБЕ, 14.05.2022. /АМИТ «Ховар»/. Кормандони Маркази барномаҳои байналмилалии Вазорати маориф ва илми Ҷумҳурии Тоҷикистон дар якҷоягӣ бо намояндагони донишгоҳҳои давлатҳои хориҷӣ ба шаҳру навоҳии вилояти Хатлон рафта, бо хатмкунандагон оид имконияти нави таҳсил дар макотиби олии хориҷи кишвар корҳои фаҳмондадиҳӣ анҷом доданд, иттилоъ доданд дар маркази матбуоти Вазорати маориф ва илми Ҷумҳурии Тоҷикистон.

Чунин вохӯриҳо дар муассисаи таълимии рақами 4, гимназияи давлатӣ ва якчанд муассисаҳои дигари ноҳияи Данғара  ва муассисаҳои шаҳри Бохтар баргузор карда шуданд.

Дар ин раванд дар хусуси имконоти мавҷуда барои дохилшавӣ ба  Донишгоҳи давлатии Перми Федератсияи Русия иттилоъ дода шуд.

Маълумоти пешниҳодгардидаро хатмкунандагон ба хубӣ пазируфта, хушнудӣ аз он доштанд, ки имсол нисбат ба солҳои қаблӣ бурсияҳо барои таҳсил дар мактабҳои олии хориҷи кишвар нисбатан зиёд мебошанд. Хусусан имсол барои хонандагон аз вилояти Хатлон имконияту шароити бештар фароҳам гардидааст. Зеро тибқи таҳлилҳо нисбат ба дигар минтақаҳои кишвар солҳои пешин дохилшавии хонандагони ин вилоят ба донишгоҳҳои хориҷи мамлакат камтар буд.

Аз ин лиҳоз, имсол корҳои тарғиботӣ — фаҳмондадиҳӣ бо хатмкунандагони муассисаҳои таълимии шаҳру ноҳияҳои вилояти Хатлон аз тарафи гурӯҳҳои кории Маркази барномаҳои байналмилалӣ дар якҷоягӣ бо намояндагони донишгоҳҳои хориҷӣ зиёдтар ба нақша гирифта шудааст.

Бурдани чунин корҳои иттилоотӣ дар дигар шаҳру навоҳӣ идома дорад.

АКС: маркази матбуоти Вазорати маориф ва илми Ҷумҳурии Тоҷикистон

Май 14, 2022 10:17

Хабарҳои дигари ин бахш

Дар Душанбе роҳҳои ҷалби омӯзгорон ба кор ва ҳавасгардонии онҳоро баррасӣ намуданд
Доир ба имзои Созишномаи ҳамкорӣ дар соҳаи маориф миёни Тоҷикистон ва Япония пешниҳодҳо ироа гардиданд
Дар Вазорати маориф ва илм масоили қабули хонандагону омӯзгорон ба мактабҳои Русия ва Тоҷикистон баррасӣ шуд
«ҲАРАКАТИ ЭҶОДИИ НАВИСАНДАГОНИ МУОСИРИ ТОҶИК». Хонандаи шаҳри Душанбе Садафмоҳ Азимова ғолиби ин озмун гардид
Вазорати маориф ва илм барои қабули омӯзгорону хонандагон ба муассисаҳои Русия ва Тоҷикистон озмун эълон менамояд
МАРКАЗИ МИЛЛИИ ТЕСТӢ: Аз 10 то 30 июн марҳилаи иловагии бақайдгирии довталабон барои иштирок дар имтиҳонҳои марказонидаи дохилшавӣ доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон ба бунёди мактаб барои хонандагони болаёқат ва бинои Нозироти андоз санги асос гузошта шуд
«Таҳсилоти фосилавӣ: воқеият ва дурнамо». Таҳти чунин унвон конференсияи ҷумҳуриявӣ доир шуд
Маркази барномаҳои байналмилалӣ: ҳуҷҷатсупорӣ барои бурсияҳои таҳсилии Қазоқистон ва Беларус оғоз гардид
Хатмкунандагони Донишгоҳи давлатии омӯзгории Тоҷикистон ба муассисаҳои таълимии шаҳру навоҳии кишвар тақсим ва сафарбар карда мешаванд
Маркази миллии тестӣ маблағи барои хизматрасонӣ дар имтиҳонҳои марказонидаи дохилшавӣ пардохтнамудаи баъзе довталабонро бармегардонад
ОЛИМПИАДАИ БАЙНАЛМИЛАЛИИ «KANGAROO». Хонандагони Мактаби президентии Бӯстон сазовори 296 медал шуданд