Хатсайри нави сайёҳии «Душанбе-Ҳисор-Турсунзода» тавассути қатора ифтитоҳ ёфт
ДУШАНБЕ, 10.05.2022 /АМИТ «Ховар»/. Ширкати сайёҳии «Шумон тур» дар ҳамкорӣ бо Корхонаи воҳиди давлатии «Маркази иттилоотию хизматрасонӣ дар соҳаи сайёҳӣ»-и Кумитаи рушди сайёҳии назди Ҳукумати Ҷумҳурии Тоҷикистон, Корхонаи воҳиди давлатии «Роҳи оҳани Тоҷикистон» ва дастгирии Мақомоти иҷроияи ҳокимияти давлатии шаҳрҳои Душанбе, Ҳисор ва Турсунзода дар масири «Душанбе-Ҳисор-Турсунзода» тавассути қатора хатсайри нави сайёҳӣ ифтитоҳ намуд, хабар доданд дар Кумитаи рушди сайёҳӣ ба АМИТ «Ховар».
Бори нахуст тавассути ин хатсайри сайёҳӣ бо қатора муҳассилини мактабҳои шаҳри Душанбе ба шаҳрҳои Ҳисор ва Турсунзода рафта, бо ёдгориҳои таърихӣ ва имконоти сайёҳии шаҳрҳои Ҳисор ва Турсунзода шинос гардиданд.
Тавре мудири ширкати «Шумон тур» Бахтовар Аминзода дар суҳбат ба хабарнигори АМИТ «Ховар» гуфт, ҳадаф аз роҳандозии ин иқдом баланд бурдани ҳисси худшиносиву худогоҳӣ, арҷгузорӣ ба арзишҳои миллӣ ва тарбияи ҳисси зебоипарастӣ дар замири хонандагон буда, ҳамчунин татбиқи сиёсати Ҳукумати Ҷумҳурии Тоҷикистон дар самти сайёҳӣ мебошад.
Хатсайри сайёҳии «Душанбе-Ҳисор-Турсунзода» хусусияти табиию экологӣ ва таърихию фарҳангӣ дошта, сайёҳон тавассути ин масир нахуст ба шаҳри Ҳисор рафта, мавзеъҳои таърихию фарҳангӣ ва табии шаҳр, аз ҷумла, мамнӯъгоҳи «Қалъаи Ҳисор», Маҷмаии фароғатию фарҳангии «Шаршара»-ро тамошо намуданд.
Сипас дар ҷараёни сайёҳат бо имконияти сайёҳии шаҳри Турсунзода шинос гардиданд. Аз ҷумла, боғи фарҳангиву фароғатӣ ва Осорхонаи марказии шаҳри Турсунзода рӯҳияи сайёҳонро болида сохт.
Зимни саёҳат роҳбаладон бо забонҳои тоҷикиву русӣ ба сайёҳон доир ба таъриху фарҳанг ва гузаштаи пурғановати халқи тоҷик маълумоти ҷолиб ва мушаххасу муфассал пешниҳод сохтанд. Ташкили чунин хатсайрҳо ба рушди сайёҳии дохилӣ, муаррифии имконияти сайёҳии кишвар мусоидат менамояд.
Ширкати сайёҳии «Шумон тур» тасмим гирифтааст, ки минбаъд дар масири «Душанбе- Ёвон-Бохтар-Кӯлоб» хатсайри сайёҳӣ тавассути қатора ба роҳ монад.
АКС: Ширкати «Шумон тур»
Ширкатҳои сайёҳии Тоҷикистон дар Намоишгоҳи байналмилалии «Bishkek International Tourism Fair 2026» иштирок намуданд
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
«ХАТЛОН — САРЗАМИНИ ТАМАДДУНҲО ВА САЁҲАТ». Дар Муъминобод форум ва намоиши байналмилалии сайёҳӣ баргузор мегардад
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Ба муносибати Рӯзи пойтахт хатсайри сайёҳии «Сайри шомгоҳии Душанбе» ташкил карда мешавад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
САЙЁҲӢ — МУҲАРРИКИ РУШДИ УСТУВОР. Дар Душанбе дар ин мавзуъ конфронси байналмилалӣ баргузор шуд
Форуми сеюми байналмилалии «Суғд–чорроҳаи Роҳи Бузурги Абрешим» оғоз шуд
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид
