«КОРВОНИ САЛОМАТӢ». Сокинони ноҳияҳои Дарвоз ва Ванҷ бо хизматрасонии ройгони тиббӣ фаро гирифта шуданд

Май 20, 2022 11:30

ДУШАНБЕ, 20.05.2022 /АМИТ «Ховар»/. Аз 16 то 18 май ҳайати мутахассисони соҳибтаҷрибаи соҳаи тандурустии мамлакат таҳти роҳбарии муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед дар доираи ҳаракати тиббию машваратии “Корвони саломатӣ” ба ноҳияҳои Дарвоз  ва Ванҷи Вилояти Мухтори Кӯҳистони Бадахшон сафар намуд, хабар доданд ба АМИТ “Ховар” дар Вазорати тандурустӣ ва ҳифзи иҷтимоии аҳолӣ.

Дар доираи корвони солимгардонӣ садҳо нафар сокинони ноҳияҳои мазкур аз ташхис ва муоинаҳои ройгони тиббӣ гузашта, инчунин ба саволҳои хеш доир ба бемориҳои гуногун  аз мутахассисони варзидаи соҳаи тандурустии мамлакат посухҳои мушаххас гирифтанд.

Корвони мазкур имкон дод, то шаҳрвандони ин ноҳияҳо дар баробари истифода аз хизматрасониҳои ройгони тиббӣ ҳамзамон аз тавсия ва маслиҳати табибони соҳибтаҷрибаи кишвар низ бархурдор гардида, баҳри таъмини солимии хеш тавсияҳои муфид бигиранд.

Дар доираи ин ҳаракат дар ноҳияи Ванҷ санҷиши 12 нафар кормандони соҳаи тандурустии ноҳия бо иштироки муовини вазир Шодихон Ҷамшед ва мутахассисони соҳибтаҷрибаи соҳаи тандурустии  мамлакат гузаронида шуд.

Дар маҷмӯъ, сокинони ноҳияҳои Дарвоз ва Ванҷ ба Ҳукумати мамлакат ва Вазорати тандурустӣ ва ҳифзи иҷтимоии аҳолӣ  баҳри таъмини сиҳатии омма ва дар ин замина пайваста андешидани тадбирҳои муҳиму саривақтӣ изҳори миннатдорӣ намуданд.

Ёдовар мешавем, ки бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон дар самти беҳтар намудани хизматрасонии тиббӣ ба аҳолӣ давоми солҳои охир дар мамлакат ҳаракати тиббию машваратии «Корвони саломатӣ» роҳандозӣ гардидааст, ки дар доираи  он сокинони минтақаҳои гуногуни кишвар ба хизматрасониҳои  тиббии ройгон фаро гирифта мешаванд.

АКС: Вазорати тандурустӣ ва ҳифзи иҷтимоии аҳолӣ

Май 20, 2022 11:30

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд