Миср хостори ифтитоҳи намояндагиҳо ва филиалҳои бонкҳояш дар Тоҷикистон гардид

Май 16, 2022 16:52

ДУШАНБЕ, 16.05.2022 /АМИТ «Ховар»/. Масъалаҳои марбут ба ифтитоҳи намояндагиҳо ва филиалҳои бонкҳои Мисри Араб дар Ҷумҳурии Тоҷикистон дар мулоқоти Раиси Бонки миллии Тоҷикистон Ҳоким  Холиқзода бо ҳайати сармоягузорони Ҷумҳурии Мисри Араб, ки таҳти сарварии  Осама Муҳамед Камол ба Тоҷикистон омадааст, дар Душанбе баррасӣ гардид, хабар медиҳад АМИТ «Ховар» бо истинод ба Бонки миллии Тоҷикистон.

Ҳоким Холиқзода гуфт, ки ҳоло дар Ҷумҳурии Тоҷикистон барои ҷалби сармояи мустақим ва фаъолияти озоду бемамониати сармоягузорони хориҷӣ дар бахши иқтисодиёт, аз ҷумла низоми бонкӣ шароити созгор ва заминаи меъёрию ҳуқуқии мукаммал фароҳам оварда шудааст. Мавсуф гуфт, ки ҷалби сармоягузорӣ яке аз масъалаҳои қобили таваҷҷуҳ буда, роҳандозии ҳамкорӣ бо Ҷумҳурии Мисри Араб дар самти сармоягузорӣ ҷиҳати татбиқи лоиҳаҳои гуногун ва сармоягузории бахши бонкӣ ва суғурта  ба мақсад мувофиқ мебошад.

Ҳоким Холиқзода сафари ҳайати сармоягузорони мисриро ба Тоҷикистон рӯйдоди муҳим ва заминаи нави мусоид барои тақвияти рушди ҳамкорӣ дар сатҳи нав миёни ҳарду кишвар, ки аз сафари расмии Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон ба Мисри Араб маншаъ мегирад, арзёбӣ намуд.

Роҳбари ҳайати сармоягузорони мисрӣ Осама Муҳамед Камол ҳавасмандии худро ҷиҳати ба роҳ мондани ҳамкории дуҷонибаи судманд ва имконияти сармоягузорӣ дар бахшҳои иқтисодиёт, аз ҷумла низоми бонкӣ баён дошт.


Гуфта шуд, ки  ташрифи соҳибкорону сармоягузорони Ҷумҳурии Мисри Араб ҷиҳати пайгирии раванди татбиқи санадҳои ҳамкорӣ миёни соҳибкорони ду кишвар ҳангоми баргузории Форуми сармоягузории Ҷумҳурии Тоҷикистон ва Миср, ки моҳи марти соли равон дар Қоҳира ба имзо расида буд, ба таҳкими муносибатҳои тиҷоратии дуҷониба такони тоза хоҳад бахшид.

Зимни мулоқот масъалаҳои марбут ба имконияти саҳмгузорӣ ба сармояи бонкҳои Тоҷикистон аз ҷониби сармоягузорони ин кишвар, кушодани ташкилоти суғуртавӣ, ба роҳ мондани ҳамкорӣ байни бонкҳои марказии Тоҷикистон ва Миср дар самтҳои гуногуни низоми бонкӣ мавриди баррасии ҷонибҳо қарор гирифтанд.

Ҳамчунин бо мақсади ба роҳ мондани ҳамкории судманд миёни бонкҳои марказии Ҷумҳурии Мисри Араб ва Ҷумҳурии Тоҷикистон  дар самтҳои гуногуни бахши бонкӣ ва баимзорасонии Ёддошти тафоҳум дар самти мубодилаи маълумот ва таҷриба миёни бонкҳои марказӣ таваҷҷуҳ зохир гардид.

Дар доираи баргузории форуми ҳайати Мисри Араб ва намояндагони Тоҷикистон ба роҳ мондани муносибатҳо ва мустаҳкам намудани ҳамкории бисёрҷониба ба нақша гирифта шудааст.

АКС: Бонки миллии Тоҷикистон

Май 16, 2022 16:52

Хабарҳои дигари ин бахш

Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
ҚУРБИ АСЪОР: 1 доллари ИМА аз 10.2597 то 10.2600 сомонӣ муқаррар шудааст
Қатораи мусофирбар дар хатсайри Кӯлоб–Волгоград–Кӯлоб ҳафтаи оянда ба роҳ мебарояд
Тоҷикистон ва Гурҷистон масоили ба роҳ мондани алоқаи ҳавоиро матраҳ намуданд
ИШТИРОК КУНЕД, ДАЛЕРОНА КӮШЕД ВА ҒАЛАБА НАМОЕД! Озмуни Ҷоизаи ИДМ дар самти дастовардҳо дар соҳаи сифати маҳсулот ва хизматрасонӣ барои соли 2023 эълон гардид
Дар Узбекистон Форуми минтақавии нозирони давлатии меҳнати кишварҳои Осиёи Марказӣ ва Русия доир мешавад
ҚУРБИ АСЪОР: 1 евро аз 10.5100 то 10.5500 сомонӣ муқаррар шудааст
Сайди моҳӣ дар Тоҷикистон дар шаш моҳ 1145,3 тоннаро ташкил дод
Барномаи рушди иҷтимоию иқтисодӣ ба беҳтар намудани сатҳи зиндагии мардуми ноҳияи Дарвоз мусоидат менамояд
Дар Суғд фаъолияти муштараки доираҳои тиҷоративу соҳибкории Тоҷикистон ва Ҷопон баррасӣ гардид
ҚУРБИ АСЪОР: 1 рубли русӣ аз 0.1646 то 0.1670 сомонӣ муқаррар шудааст
Кишоварзони шаҳри Ваҳдат дар майдони 6480 гектар кишти такрорӣ гузарониданд

Маводҳои таҳлилӣ