Миёни Тоҷикистон ва Амрико дар самтҳои гуногуни тандурустӣ ҳамкорӣ густариш меёбад

Май 27, 2022 14:21

ДУШАНБЕ, 27.05.2022 /АМИТ «Ховар»/. 26 май Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо намояндаи Коргоҳи марказии Агентии Иёлоти Муттаҳидаи Амрико оид ба ҳамкории байналмилалӣ вобаста ба давлатҳои Осиё Анҷалӣ Каур вохӯрӣ намуд, хабар доданд ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Зикр гардид, ки  Вазорати тандурустӣ ва ҳифзи иҷтимоии аҳолии мамлакат ҳамкориро бо агентиҳои дахлдори ИМА ба роҳ мондааст. Дар доираи он “Ёддошти тафоҳум байни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Агентии ИМА оид ба рушди ҳамкории байналмилалӣ (USAID)  барои то соли 2025”  ба имзо расида, тибқи он якчанд лоиҳаҳо амалӣ шуда истодаанд.

Яке аз лоиҳаҳои USAID, ки дар Тоҷикистон ҳоло бо муваффақият амалӣ шуда истодааст, ин лоиҳаи «Модари солим, кӯдаки солим» мебошад. Лоиҳаи мазкур барои беҳтар намудани вазъи саломатӣ ва ғизогирии модарону кӯдакони то 5-сола тавассути хизматрасонии тиббӣ дар оила, ҷомеа ва муассисаҳои тандурустӣ дар Тоҷикистон то соли 2025 пешбинӣ шудааст.

Дар баробари ин лоиҳаи “Иҷрои ҳадафҳо вобаста ба беҳтарсозии хадамоти эпидемиологӣ” (ЭПИК) бо мақсади дастгирии беморони мубталои ВНМО дар байни қишри осебпазири аҳолӣ ва таъмини табобати муттасил амалӣ шуда истодааст.

Ҳамзамон як қисми лоиҳаи мазкур ба расонидани кумаки техникӣ вобаста ба омӯзонидани мутахассисони  соҳаи тиб ва таҳияи санадҳои клиникӣ оид ба табобати бемории сироятии COVID-19 равона карда шудааст.

Ҷонибҳо ҷиҳати густариши ҳамкорӣ дар самтҳои гуногуни соҳаи тандурустӣ ҳавасмандии хешро иброз намуданд.

АКС: Вазорати тандурустӣ ва ҳифзи иҷтимоии аҳолӣ

Май 27, 2022 14:21

Хабарҳои дигари ин бахш

Дар ярмаркаи интихоби касб дар Душанбе ба корҷӯён 2677 ҷойи кор ва вазифаи озод пешниҳод шуд
Пагоҳ дар панҷ гӯшаи Тоҷикистон ярмаркаи ҷойи кор ва вазифаҳои озод баргузор мегардад
ҲИФЗИ САРЗАМИН ҚАРЗИ ФАРЗАНДИИ МОСТ! ҲХДТ нақшаи чорабиниҳоро оид ба тарбияи ҳарбӣ-ватандӯстии ҷавонон тасдиқ намуд
Тоҷикистон ва Узбекистон ҷиҳати омода намудани мутахассисони сатҳи баланд Ёддошти тафоҳуми ҳамкорӣ ба имзо мерасонанд
Соҳибкорони Истаравшан ба сокинони зарардидаи наздисарҳадӣ кумак намуданд
Дар Хуҷанд доир ба пешгирии зӯроварӣ дар оила мулоқот баргузор гардид
Дар Хоруғ пешгирии зӯровариро дар оила муҳокима карданд
БО ҲАМЛАИ НИЗОМИЁНИ ҚИРҒИЗ МО ҲАРГИЗ ТАРКИ ЗАМИНИ АҶДОДӢ НАМЕКУНЕМ. Чунин изҳор менамояд бо ифтихори ватандорӣ сокини 60-солаи деҳаи Хоҷаи Аълои Исфара Абдукарим Шарифзода
COVID-19. Ба Тоҷикистон беш аз ду миллион воя ваксинаи «КоронаВак» ворид гардид
МАҲКУМИЯТИ 10-СОЛА БАРОИ САРКАШӢ АЗ ХИЗМАТИ ҲАРБӢ. Думаи давлатии Федератсияи Россия ба ҷазо барои ҷиноят дар замони ҷанг тағйирот ворид намуд
ҲАМЛАИ ТАҶОВУЗКОРОНАИ ҚИРҒИЗИСТОН. Барои барқарорсозии хонаҳои сокинони деҳоти Овчиқалъача ва Хистеварзи ноҳияи Бобоҷон Ғафуров ситоди махсус ташкил мешавад
ҲАМЛАИ ТАҶОВУЗКОРОНАИ ҚИРҒИЗИСТОН. Куштори кӯдакону табибон ва мардуми осоишта сахттарин ҷиноят аст,- Садриддин Ҳасанзода, узви Иттифоқи нависандагони Тоҷикистон