Миёни Тоҷикистон ва Туркия робитаҳои иқтисодӣ, тиҷоратӣ ва фарҳангӣ тақвият меёбанд
ДУШАНБЕ, 19.05.2022 /АМИТ «Ховар»/. Тавре қаблан хабар додем, ҳайати вилояти Суғд бо роҳбарии Раиси вилоят Раҷаббой Аҳмадзода барои ҷалби сармоя ва таҳкими муносибатҳои иқтисодиву фарҳангӣ бо шарикони рушд ба Туркия сафар намуд ва дар шаҳри Анталияи Ҷумҳурии Туркия ҳайатро волии Анталия Эрсин Язичӣ ба ҳузур пазируфт, хабар доданд ба АМИТ «Ховар» дар Хадамоти матбуоти Раиси вилояти Суғд.
Зимни суҳбат Раиси вилояти Суғд Раҷаббой Аҳмадзода аз густариши робитаҳои иқтисодӣ, тиҷоратӣ ва фарҳангӣ миёни Ҷумҳурии Тоҷикистон ва Ҷумҳурии Туркия изҳори хушнудӣ намуда, гуфт, ки бо сиёсати роҳбарони олии ду кишвар- Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Реҷеп Тайип Эрдоган мамлакатҳо муносибатҳои хуби дӯстона доранд.
Раҷаббой Аҳмадзода вобаста ба вазъи иқтисодии вилояти Суғд, имконияти мавҷуда ҷиҳати рушди ҳамкорӣ дар соҳаҳои саноат, кишоварзӣ, сайёҳӣ ва фазои сармоягузорӣ маълумот дода, хостори тақвияти робитаҳо бо вилояти Анталияи Туркия гардид.
Эрсин Язичӣ меҳмононро ба шаҳри Анталия, ки аз минтақаҳои маъруфи сайёҳӣ дар олам аст, хайрамақдам гуфта, иброз дошт, ки «сафари намояндагони вилояти Суғди Тоҷикистони дӯсту бародар ба беҳтаршавии муносибатҳо мусоидат менамояд».
Волии Анталия ҳамзамон афзуд, ки Анталия аз муҳимтарин марказҳои сайёҳии Туркия аст ва он бо зебоиҳои таърихӣ ва табиӣ, иншооти фарҳангӣ, минтақаҳои бостонӣ дар маркази таваҷҷуҳи сайёҳон қарор дорад. Инчунин соҳаи кишоварзӣ низ дар ин минтақа рушд ёфта, маҳсулоти гуногуни хоҷагии қишлоқ дар Анталия истеҳсол мегардад.
Раиси вилояти Суғд иброз дошт, ки воқеан ҳам Анталия як шаҳри пешқадам дар бахши гардишгарӣ ва ҳам дар бунёди гармхонаҳои муосир аст ва дар ин самт ҷонибҳо метавонанд ҳамкории пурсамар дошта бошанд.
Изҳори боварӣ карда шуд, ки масъулин ва доираҳои тиҷоратии вилояти Суғд бо таҷрибаҳои пешқадам шинос шуда, барои татбиқи навовариҳо дар оянда талош меварзанд.
АКС: Хадамоти матбуоти Раиси вилояти Суғд
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
