«Сомон Эйр» парвозҳоро аз Душанбе ба фурудгоҳи Внуково оғоз менамояд

Май 14, 2022 09:11

ДУШАНБЕ, 14.05.2022 /АМИТ «Ховар»/. Ширкати ҳавопаймоии «Сомон Эйр» парвозҳоро аз Душанбе ба фурудгоҳи Внуковои шаҳри Москва роҳандозӣ менамояд. Дар ин бора АМИТ «Ховар» бо истинод ба ширкати ҳавопаймоии «Сомон Эйр» иттилоъ медиҳад.

Шурӯъ аз 16 май ҳамарӯза як парвоз (SZ 333-334) дар масири Душанбе-Москва ба фурудгоҳи Внуково ва як парвози дигар (SZ 201-202) аз Душанбе ба фурудгоҳи Домодедово анҷом дода мешавад. Қаблан рӯзе ду парвози хатсайри Душанбе – Москва ба Домодедово сурат мегирифт.

Тибқи ҷадвали парвозҳо, хатсайри SZ 333 аз Душанбе соати 08:00 ба вақти маҳаллӣ парвоз намуда, соати 10:25 ба вақти Москва дар Внуково фуруд меояд. Дар самти баргашт соати парвоз аз Внуково 11:45 ва фуруд дар Душанбе 17:35 ба вақти маҳаллӣ муқаррар шудааст.

Вақти парвози хатсайри SZ 201-202 Душанбе – Москва (Домодедово) – Душанбе ҳамоно бетағйир боқӣ мемонад. Парвозҳо дар ҳавопаймоҳои Boeing 737-800 анҷом дода мешаванд. Маълумоти бештар ва чиптаҳои парвоз дар сомонаи ширкат, хазинаҳои чиптафурӯшӣ ва маркази маълумотдиҳиву чиптафурӯшии ширкат дастрас мебошанд.

Ёдовар мешавем, ки мусофирони ба Федератсияи Русия сафаркунанда, ба истиснои шаҳрвандони Русия бояд шаҳодатномаи ПСР-тестро бо натиҷаи манфии санҷиши COVID-19, ки давоми 48 соати пеш аз ворид шудан ба қаламрави Русия дода шудааст, пешниҳод намоянд.

Ҳамзамон хотиррасон менамоем, ки аз 15.03.2022 вуруди мусофирон аз кишварҳои ИДМ ба қаламрави Тоҷикистон бо пешниҳоди гувоҳномаи ваксинатсия иҷозат дода шудааст. Дар ҳолати надоштани гувоҳномаи ваксинатсияи пурра ва ё қисман мусофирон бояд шаҳодатномаи гузаштани ПСР-тестро бо натиҷаи манфии санҷиши COVID-19, ки ба муҳлати 72 соат эътибор дорад, пешниҳод намоянд. Кӯдакони то 3-сола аз пешниҳоди ПСР-тест озод мебошанд.

АКС аз манбаъҳои боз

Май 14, 2022 09:11

Хабарҳои дигари ин бахш

«Узкимиёсаноат» ҳамкориро бо корхонаю ширкатҳои Тоҷикистон тавсеа мебахшад
Дар Қазоқистон нахустин ҷаласаи минтақавии кишварҳои Осиёи Марказӣ дар доираи лоиҳаи «Ready4Trade»-и Маркази байналмилалии савдо доир шуд
Ҳайати Тоҷикистон дар Конфронси 27-уми ҷонибҳои Конвенсияи чорчӯбаи СММ оид ба тағйирёбии иқлим иштирок менамояд
Завқӣ Завқизода ва Сезин Синаноғлу корҳои омодагӣ ба Форуми рушди Тоҷикистонро баррасӣ намуданд
Доир ба арзёбии Кодекси андози Тоҷикистон дар таҳрири нав ва таъсири он ба рушди фаъолияти соҳибкорӣ ҳамоиш доир шуд
Имзои беш аз 40 шартномаи ҳамкорӣ миёни ширкатҳои сайёҳии Тоҷикистон ва Узбекистон ба рушди туризм дар минтақа мусоидат мекунад
РОҲҲО БОЗ МЕШАВАНД. Узбекистон барои ҳамлу нақли мусофирон ба Қазоқистон роҳи оҳанро барқарор менамояд
Вазири кишоварзии Тоҷикистон дар Конфронси 33-юми Созмони озуқаворӣ ва кишоварзии СММ дар Аврупо иштирок дорад
Ҳайати соҳибкорону сармоягузорони мисрӣ ба Тоҷикистон омад
Аз сабаби боронҳои шиддатнок дар Нуробод қариб 4 гектар заминҳои кишти сокинони ноҳия зери об монд
БА ПЕШВОЗИ 35-СОЛАГИИ ИСТИҚЛОЛИ ДАВЛАТӢ. Дар Роштқалъа бунгоҳи тиббӣ ва корхонаи коркарди мӯинаи бузи кашмирӣ ба истифода дода мешаванд
Зарфияти сайёҳии Тоҷикистон дар Намоишгоҳи байналмилалии сайёҳии «Arabian Travel Market -2022» муаррифӣ гардид