14 варзишгари Тоҷикистон дар Чемпионати Осиё оид ба гўштин дар шаҳри Бишкек иштирок менамоянд

ДУШАНБЕ, 17.06.2022 /АМИТ «Ховар»/. 19-26 июн дар шаҳри  Бишкеки Ҷумҳурии Қирғизистон Чемпионати Осиё оид ба гўштин миёни наврасон (U-17) ва ҷавонон (U-23) баргузор мешавад, ки дар он 14 варзишгар аз Тоҷикистон иштирок мекунанд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Аввалин маротиба аст, ки қувваозмоиҳо дар ду категорияи синну сол дар як вақт доир мегардад.

Ба иттилои Федератсияи гўштини Тоҷикистон, дастаи мунтахаби Тоҷикистон дар ҳайати 14 нафар – 8 нафар миёни наврасон, 6 нафар миёни ҷавонон ба Бишкек сафарбар гардиданд.

Тибқи низомнома, мусобиқа миёни наврасони то 17-сола 19-22 июн ва миёни ҷавонони то 23-сола 23-26 июн баргузор мешавад.

Аъзои дастаи мунтахаби наврасон ва ҷавонони Тоҷикистон барои иштирок дар Чемпионати Осиё оид ба гўштин:

Гўштини юнонӣ-римӣ

Наврасони то 17-сола

1. Нодир ТУРСУНЗОДА (55кг)
2. Ҳусейн ҲАСАНОВ (60кг)
3. Суннат АБДУЛЛОЕВ (65кг)
4. Ансор РАҲМАТЗОДА (92кг)
5. Акрами ҶАҲОНГИР (110кг)

Ҷавонони то 23-сола

1. Асламҷон АЗИЗОВ (55кг)
2. Ҳабибҷон ЗУҲУРОВ (77кг)

Гўштини озод

Наврасони то 17-сола

1. Н. РАҲИМЗОДА (60кг)
2. Муҳаммадфотеҳ ОЛИМОВ (65кг)
3. Муҳаммадамин АБДУЛЛОЕВ (80кг)

Ҷавонони то 23-сола

1. Мустофа АҲМАДОВ (70кг)
2. Саидасан АШРАФХОНОВ (74кг)
3. Сомон ИКРОМОВ (79кг)
4. Файз ФАЙЗЗОДА (97кг)

АКС: КМО Тоҷикистон