РАВАНДИ ОБИ ДУШАНБЕ. Имрӯз дар пойтахти Тоҷикистон фестивали об баргузор мегардад
ДУШАНБЕ, 06.06.2022 /АМИТ «Ховар»/. Имрӯз, 6 июн дар Боғи фарҳангию фароғатии «Наврӯзгоҳ»-и пойтахт Фестивали оби Душанбе баргузор мегардад. Ин иди арҷгузорӣ ба об ҳамчун асоси ҳаёт, некӯаҳволӣ, шукуфоӣ ва рушди устувор хоҳад буд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Фестивал дар чорчӯбаи Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028, ки аз 6 то 9 июни соли 2022 дар шаҳри Душанбе баргузор мегардад, доир карда мешавад.
Фестивали оби Душанбе аз панҷ бахш иборат буда, дар барномаи он намоиши ҳунарҳои дастӣ ва эҷодиёти мардумӣ, либосҳои миллии тоҷикӣ, таомҳои миллӣ, барномаи консертӣ бо иштироки устодони варзидаи санъати кишвар ва дигар чорабиниҳо пешбинӣ карда шудаанд.
Ҳадафи аслии фестивали оби Душанбе баланд бардоштани сатҳи огоҳии мардум дар бораи арзиши об ҳамчун манбаи ҳаётан муҳим, эҳтиром ва ҳифзи он барои наслҳои оянда хоҳад буд. Фестивал дар баробари паёмҳои мусбӣ, мушкилоти мавҷудбуда ва зарурати сафарбар кардани саъю кӯшишро барои рафъи онҳо нишон медиҳад.
Мақсади дигари ин ҷашнвора намоиши сиёсат ва таҷрибаи Ҷумҳурии Тоҷикистон ҳамчун кишвари пешсаф дар пешбурди масъалаҳои об дар рӯзномаи ҷаҳонӣ ва ҷалби таваҷҷуҳи ҷомеаи ҷаҳонӣ ба Конфронси оби СММ, ки соли 2023 таҳти раёсати Ҷумҳурии Тоҷикистон ва Шоҳигарии Нидерланд баргузор мегардад, мебошад.
Фестивал аз соати 18:30 то 21:00 идома ёфта, ба меҳмонон-иштирокчиёни конфронс имкони хуб фароҳам меорад, ки бо таърих, фарҳанг, санъат, анъанаҳои неки мардуми тоҷик ошно шаванд ва ҳамзамон фароғати гуворо дар фазои дӯстона ва идона дошта бошанд.
Пайрав ҚОСИМ
АМИТ «Ховар»
АКС: АМИТ «Ховар»
Донишҷӯёни Донишкадаи Diplomun Institute бо фаъолияти Намояндагии доимии Тоҷикистон дар Женева шинос шуданд
Сафири Тоҷикистон ба вазири корҳои хориҷии Алҷазоир нусхаи эътимоднома супорид
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
Сафири Тоҷикистон бо Вазири фарҳанг, варзиш ва ҷавонони Умон вохӯрӣ намуд
Ҳамкории Тоҷикистону Миср дар соҳаи технологияи рақамӣ баррасӣ гардид
Сафири Тоҷикистон бо Вазири адлияи Кувайт мулоқот кард
Президенти Узбекистон Вазири корҳои хориҷии Тоҷикистонро ба ҳузур пазируфт
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
