Ансамбли «Бонувон» бахшида ба 25-солагии Ваҳдати миллӣ консерти ҳисоботӣ доданд
ДУШАНБЕ, 09.06.2022 /АМИТ «Ховар»/. Бахшида ба ҷашни 25-солагии Ваҳдати миллӣ ва 30-солагии Иҷлосияи 16-уми Шӯрои Олии Ҷумҳурии Тоҷикистон дар толори «Ағунун»-и Муассисаи давлатии таълимии «Донишкадаи давлатии фарҳанг ва санъати Тоҷикистон ба номи Мирзо Турсунзода» консерти ҳисоботии ансамбли «Бонувон»-и донишкада баргузор гардид. Дар ин хусус ба АМИТ «Ховар» дар Вазорати фарҳанги мамлакат хабар доданд.
Ҳайати ансамбли «Бонувон» бо роҳбарии муаллими калон, Аълочии фарҳанги Ҷумҳурии Тоҷикистон Дилбар Шарипова дар консерти ҳисоботӣ шеъру суруд ва оҳангу рақсҳои ҷолибу дилнавоз, аз қабили «Тоҷикистон», «Таронаи рӯд», «Таронаи занон», «Гулдухтарони тоҷик», «Оби равон», «Сабзинаранг», «Эй диёрам», «Дарё», «Пешвои миллат» ва сюитаи рақсиро пешкаши ҳозирин намуданд.
Пас аз анҷоми барномаи консертӣ, Ректори донишкада, доктори илмҳои филологӣ профессор Муҳриддин Низомӣ ба устодон ва донишҷӯдухтароне, ки дар омода намудани консерти ҳисоботӣ саҳм гузоштаанд, изҳори сипос намуд.
«Бонувони донишкада дар қатори устодон ва донишҷӯён дар озмунҳои ҷумҳуриявӣ, аз ҷумла «Тоҷикистон-Ватани азизи ман» ва «Фурӯғи субҳи доноӣ китоб аст» фаъолона ширкат варзида, донишкадаро муаррифӣ менамоянд»,-изҳори қаноатмандӣ кард Ректори донишкада.
Ҳамзамон Муҳриддин Низомӣ устодон ва донишҷӯдухтарони ансамбли «Бонувон»-и муассисаро бо «Диплом» ва «Ифтихорнома»- ҳо қадрдонӣ намуд.
АКС: Вазорати фарҳанги Ҷумҳурии Тоҷикистон
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
