БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Таъмири роҳи мошингарди Хуҷанд-Ашт оғоз гардид
ДУШАНБЕ, 11.06.2022. /АМИТ «Ховар»/. Бо мақсади сазовор пешвоз гирифтани ҷашни 35-солагии Истиқлоли давлатии Ҷумҳурии Тоҷикистон чун дар дигар манотиқи мамлакат дар ноҳияи Ашт низ корҳои созандагию ободонӣ вусъат меёбанд. Аз ҷумла, бо гузоштани асфалти гарм ба корҳои таъмиру навсозии роҳи мошингарди Хуҷанд-Ашт оғоз бахшда шуд.
Тавре корманди маркази матбуоти Раиси ноҳияи Ашт Ҳаётҷони Одил ба АМИТ «Ховар» хабар дод, барои аз таъмири хушсифат баровардани роҳи мошингарди Хуҷанд–Ашт бо ташаббус ва дастгирии соҳибкорони ноҳия 1 миллиону 661 ҳазор сомонӣ маблағ ҷамъ оварда шуд ва дар назар аст, ки роҳи мазкур тӯли 4- 5 моҳ ба истифода дода мешавад.
Дар маросими шурӯъ намудани таъмири роҳи мазкур раиси ноҳияи Ашт Шӯҳрат Муҳаммадзода, роҳбарони сохторҳои ҳифзи ҳуқуқ, роҳбарияти ҲХДТ дар ноҳия, масъулин соҳаҳои дахлдор ва фаъолон иштирок намуданд.
Раиси ноҳияи Ашт бо зиёда аз 100 нафар кормандон суҳбат анҷом дода, зикр кард, ки баҳри сари вақт ва босифат сохта ба истифода додани ин роҳи мошингард онҳо масъулияти калонеро бар душ доранд.
Ҳамзамон раиси ноҳия Шӯҳрат Муҳаммадзода бо ҷалби соҳибкорон, пирони соҳибтаҷриба, фаъолони 9 ҷамоати ноҳия вохӯрӣ намуда, таъкид кард, ки мардуми меҳнатқарини ноҳия дар ҳар давру замон барои ободкориву созандагӣ ташаббус нишон дода, дар ободу зебо гардонидани маҳалли зисташон саҳми босазо мегузоштанд.
-Маҳз бо дастгирии Пешвои миллат муҳтарам Эмомалӣ Раҳмон имрӯз Ҷумҳурии Тоҷикистон баҳри пешрафту тараққиёт қадамҳои устувор мегузорад. Аз ин рӯ, ҳар яки моро зарур аст дар паҳлуи Сарвари давлат сарҷамъ гашта, диёрамонро боз ҳам ободу зебо намоем», -гуфт Раиси ноҳияи Ашт.
АКС: МИҲД-и ноҳияи Ашт
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик дар доираи ҷаҳони бисёрқутба ҳамоиш доир мешавад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
ИСТИҚЛОЛИЯТ ВА ФАРДОИ РАҚАМИИ ТОҶИКИСТОН. Мулоҳизаҳо дар ин маврид
Озмуни ҷумҳуриявии «Топ-35 — шарики боэътимоди сол» ҷамъбаст гардид
Дар Душанбе Рӯзи фарҳанги ноҳияи Рӯшон баргузор гардид
БАРНОМАИ РУШДИ РОҲҲОИ ОБОДИ ДЕҲОТ. Дар доираи он ба маблағи 123,4 миллион сомонӣ роҳҳои мошингард таъмиру барқарор карда шуданд
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИ ДАВЛАТӢ ВА НАҚШИ ОН ДАР РУШДИ ЗАБОНИ ТОҶИКӢ. Мулоҳизаҳо дар ин маврид
Дар Душанбе 49 номгӯй адабиёти тозанашри кӯдакона рӯнамоӣ гардид
