Дар Балҷувон Фестивали «Сад ранги чакан» доир гардид
БАЛҶУВОН, 05.06.2022 /АМИТ «Ховар»/. Дар шаҳру ноҳияҳои Тоҷикистон Фестивали ҷумҳуриявии “Сад ранги чакан” ҷараён дорад, ки дар он ҳунармандон маҳсули ҳунари хешро ба намоиш мегузоранд. Дар Ҷамоати деҳоти “Тоҷикистон”-и ноҳияи Балҷувон даври ноҳиявии Фестивали «Сад ранги чакан» баргузор гардид, ки дар он занон ва духтарони ноҳия ҳунари худро ба аъзои ҳакамон нишон доданд, хабар медиҳад мухбири минтақавии АМИТ «Ховар» Сулаймон ХОЛЗОДА.
Ёдовар мешавем, ки ба рӯйхати Мероси фарҳанги ғайримодии ЮНЕСКО ворид гардидани чакан мардуми Тоҷикистон, алалхусус ҳунармандонро хушнуд кард ва ин шароит фароҳам овард, ки барои рушд додани чакандӯзӣ ва омӯзиши ин ҳунари ниёгон ба ҷавонон тадбирҳои судманд андешида шаванд.
Ҳунармандони ноҳияи Балҷувон тибқи низомномаи фестивал маҳсулоти чаканӣ, аз ҷумла куртаю рӯймол, ашёи рӯзгор, сӯзанӣ ва болишту бардевориҳоро ба намоиш гузоштанд. Дар намоиш бештар ҷавондухтарон фаъол буданд ва бо пӯшидани либосҳои чакани гуногунранг ба маҳфил ҳусни тоза бахшиданд. Ҳайати ҳакамон аз намоишгоҳ дидан карда, ба ҳунару маҳорати кадбонуҳо ва ҳунармандон баҳои баланд доданд.
Тавре узви ҳайати ҳакамон Моҳсафар Абдуллозода иттилоъ дод, “мардуми тоҷик аз қадим соҳибфарҳанг буду соҳибҳунар ва ҳунари хешро аз насл ба насл боқӣ гузошта, то замони мо расонидааст. Ин аст, ки вобаста ба ҳаводиси таърих ва пешрафти илму техника ба нақши чакан низ дигаргуниҳо ворид шудаву вале он мавқеи худро гум накардааст. Дар нақши чакан табиати зебои диёр, ҳунари волои занону модарони тоҷик ва нақшу нигори миллӣ ҷой доранд”.
Дар идомаи намоиш сару либоси арӯсӣ аз чакан ва адрасу атлас пешниҳоди ҳозирин гардонида шуд.
АКС: АМИТ «Ховар»
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
