Дар деҳоти Палдораки ноҳияи Мастчоҳ корхонаи коркарди чормағзи заминӣ бунёд мегардад

Июнь 15, 2022 11:54

ДУШАНБЕ, 15.06.2022 /АМИТ «Ховар»/. Дар деҳоти Палдораки  ноҳияи Мастчоҳ  корхонаи коркарди чормағзи заминии ҶДММ «Ҷаъфар» бо харҷи беш аз 750 ҳазор сохта шуда, метавонад то 10 нафарро бо ҷойи корӣ таъмин созад. Барои ба роҳ мондани истеҳсолот аз ҷониби муассиси корхона таҷҳизоти зарурӣ аз Чин ва Туркия ворид карда шуда, дар он дар як сол то 4000 тонна маҳсулот коркард мешавад. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.

Дар асоси дастуру ҳидоятҳои Пешвои миллат  муҳтарам Эмомалӣ Раҳмон дар ноҳияи Мастчоҳ аз ҷониби соҳибкорони маҳаллӣ сохтмони корхонаҳои нави истеҳсолӣ ҷараён дошта, барои ташкили ҳарчи бештари ҷойҳои корӣ тадбирҳои зарурӣ андешида мешаванд.

Раиси вилояти Суғд Раҷаббой Аҳмадзода дар доираи сафари корӣ ба ноҳияи Мастчоҳ дар деҳоти Палдорак бо сохтмони корхонаи коркарди чормағзи заминии ҶДММ «Ҷаъфар» шинос шуда, ташкили корхонаи навро ба манфиати кор арзёбӣ кард.

Раиси вилоят зикр кард, ки коркард ва истеҳсоли маҳсулот дар асоси омӯзиши бозор ба роҳ монда шуда, дар оянда содироти маҳсулоти тайёр низ ба нақша гирифта шавад.

Дар идомаи боздид Раҷаббой Аҳмадзода дар деҳоти Палдорак аз коргоҳи дӯзандагии соҳибкор Фазлиддин Ҳасанов дидан намуд. Иттилоъ дода шуд, ки дар коргоҳ 50 адад дастгоҳҳои дӯзандагӣ насб гардида, бо фаъол гардидани он то 60 нафар ба кор ҷалб карда хоҳанд шуд. Коргоҳи дӯзандагӣ бо харҷи 1,2 миллион сомонӣ бунёд ва ҷиҳозонида шуда, дар ошёнаи якуми он ҳамзамон кошонаи ҳусн низ ташкил карда мешавад.

Сипас Раиси вилоят аз бинои иловагии ҶДММ «Маркази ташхисию табобатии Сино» боздид намуд. Бинои иловагии марказ аз ҷониби соҳибкор Боймаҳмад Султонов бунёд шуда, аз се ошёна иборат аст. Дар ошёнаи якуму дуюми бино таҳлилгоҳ, дар ошёнаи сеюм 34 кат ва ошхона бо 40 ҷой ҷойгир карда мешавад. Барои бинои иловагии марказ таҷҳизоти тибии муосир аз давлатҳои Чин, Корея ва Русия ворид карда шуда, муоина ва табобати беморон дар сатҳи баланд ба роҳ монда хоҳад шуд.

 АКС: Хадамоти матбуоти Раиси вилояти Суғд

Июнь 15, 2022 11:54

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд