Дар Душанбе дар соли нави хониш 11 муассисаи таҳсилоти миёнаи умумии замонавӣ ба истифода дода мешаванд
ДУШАНБЕ, 21.06.2022 /АМИТ «Ховар»/. Дар соли нави хониши 2022-2023 дар шаҳри Душанбе 11 муассисаи таҳсилоти миёнаи умумии замонавӣ бо беш аз 9 ҳазор ҷой нишаст дар як баст ба истифода дода мешаванд, иттилоъ доданд ба АМИТ «Ховар» дар Сарраёсати маорифи шаҳри Душанбе.
Гуфта шуд, ки муассисаҳои мазкур дар чор ноҳияи шаҳри Душанбе ҷойгир буда, онҳо бо тамоми таҷҳизоти замонавӣ таъмин мебошанд.
Тавре қаблан муовини якуми сардори Сарраёсати меъморӣ ва шаҳрсозии шаҳри Душанбе Ҳусниддин Саидмуъминов ба АМИТ «Ховар» иброз дошт, Сарраёсат ҷиҳати иҷрои дастуру супоришҳои Раиси шаҳри Душанбе аз 4 октябри соли 2021 дар ҳамкорӣ бо соҳибкорон оид ба истифода супоридани муассисаҳои таълимии нав дар шаҳри Душанбе тадбирҳои зарурӣ андешида истодааст.
Яке аз ин муассисҳое, ки дар соли равон ба истифода дода мешавад, ин мактаби хусусии замонавию муосир дар маҳаллаи Зарафшони ноҳияи Синои пойтахт мебошад.
Сохтмони муассисаи мазкур бо ташаббуси бевоситаи Раиси шаҳри Душанбе соли 2019 оғоз ёфта, муҳлати баистифодадиҳии бино охири соли 2022 муайян гардидааст.
Лоиҳаи иншооти мазкур аз ҷониби Ташкилоти лоиҳакашии ҶДММ «ГМ ва Партнёрҳо» таҳия шуда, дар иншоот корҳои сохтмонӣ аз тарафи Ташкилоти пудратии ҶДММ «Бунёдкор Шодӣ» ҷараён доранд.
Ҳамчунин дар Сарраёсати маорифи шаҳри Душанбе иттилоъ доданд, ки дар соли равон ба истифода додани 4 муассисаи томактабӣ барои 484 нафар низ дар назар аст.
АКС аз бойгонии АМИТ «Ховар»
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
