Дар Хатлон шаҳрвандони хориҷӣ ва шахсони бешаҳрванд иҷозатномаи иқомат гирифтанд

Июнь 11, 2022 09:05

ДУШАНБЕ, 11.06.2022. /АМИТ «Ховар»/. Кормандони Хадамоти шиносномадиҳӣ ва бақайдгирии Раёсати Вазорати корҳои дохилӣ дар вилояти Хатлон дар байни шаҳрвандони хориҷии муқими ҳудуди вилоят корҳои фаҳмондадиҳӣ ва иттилоотӣ мебаранд. Дар ин бора АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.

-Аз ҷумла, дар ноҳияҳои Дӯстӣ ва Шаҳритӯс чунин вохӯриҳо доир гардида, ба як зумра шаҳрвандони хориҷӣ ва шахсони бешаҳрванд иҷозатномаи иқомат дода шуданд,-афзуд манбаъ.

Кормандони Хадамоти шиносномадиҳӣ ва бақайдгирии Раёсати ВКД дар вилояти Хатлон бо мақсади таъмини иҷрои Қонуни Ҷумҳурии Тоҷикистон «Дар бораи авф вобаста ба қонунӣ гардонидани вазъи ҳуқуқии шаҳрвандони хориҷӣ ва шахсони бешаҳрванд, ки ѓайриқонунӣ дар қаламрави Ҷумҳурии Тоҷикистон қарор доранд» ва Қарори Ҳукумати Ҷумҳурии Тоҷикистон «Дар бораи тартиб ва талаботи пайвастшавӣ ба шабакаҳои алоқаи барқӣ ва пешниҳоди хизматрасониҳои марбут ба онҳо, бақайдгирии симкортҳо тибқи шиносномаҳои соли 2014» пайваста миёни аҳолӣ корҳои фаҳмондадиҳӣ – иттилоотӣ мегузаронанд.

Раванди корҳои фаҳмондадиҳӣ дар дигар шаҳру навоҳии вилоят идома дорад.

Вазорати корҳои дохилии ҷумҳурӣ тавзеҳ додааст, ки шаҳрвандони хориҷӣ ҳатман тибқи қонунгузории Тоҷикистон аснод тартиб дода, будубоши худро дар кишвар қонунӣ намоянд.

АКС: Вазорати корҳои дохилии Ҷумҳурии Тоҷикистон

Июнь 11, 2022 09:05

Хабарҳои дигари ин бахш

ЗАНОН-НЕРУИ СОЗАНДА, ТАРБИЯТГАР ВА ТАҲКИМБАХШИ ВАҲДАТИ МИЛЛӢ. Таҳти ин унвон дар Душанбе ҳамоиш баргузор шуд
ОГОҲИИ АГЕНТИИ ОБУҲАВОШИНОСӢ. Дар баъзе ноҳияҳои вилояти Суғд хатари ба амал омадани сел боқӣ мемонад
Дар Душанбе тавсеаи ҳамкории Тоҷикистон бо Кумитаи миллии сиёсати хориҷии Амрико баррасӣ гардид
Ҷамолиддин Абдуллозода: «Ҳар рӯз дар ҷаҳон тақрибан 1000 нафар кӯдак аз бемориҳои бо об ва беҳдоштӣ вобаста мефавтанд»
Ҳукумати Тоҷикистон дар 7 соли минбаъда ҷиҳати то 10 фоиз паст кардани сатҳи камбизоатӣ вазифадор гардидааст
РАВАНДИ ОБИ ДУШАНБЕ. Намояндаи парлумони Узбекистон: «Аз тағйирёбии иқлим занон бештар аз дигарон азият мекашанд»
ФОРУМИ КӮДАКОН ВА ҶАВОНОН ОИД БА ОБ ВА ИҚЛИМ. Октавиан Бивол: «Обшавии босуръати пиряхҳои Осиёи Марказӣ ба ҳаёти 25 миллион кӯдак хатар дорад»
Дар Санкт-Петербург масъалаи ҳифзи ҳуқуқу манфиатҳои шаҳрвандони Тоҷикистон дар Русия баррасӣ шуд
РАВАНДИ ОБИ ДУШАНБЕ. Форуми кӯдакон ва ҷавонон оид ба об ва иқлим баргузор шуд
РАВАНДИ ОБИ ДУШАНБЕ. Дар Форуми байналмилалии зан ва об таҷрибаҳо ва роҳҳои ҳалли инноватсионӣ муаррифӣ мегарданд
Дар шаҳри Санкт-Петербург вазъи муҳоҷирати меҳнатӣ мавриди баррасӣ қарор дода шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Дар Бадахшон даври вилояти озмуни ҷумҳуриявӣ доир шуд

Маводҳои таҳлилӣ