Дар Ховалинг ба ҷамъоварии хӯроки чорво оғоз намуданд
ХОВАЛИНГ, 15.06.2022 /АМИТ «Ховар»/. Дар ноҳияи Ховалинг рӯз аз рӯз маъракаи ҷамъоварии хӯроки чорво вусъат меёбад ва то охири мавсим хоҷагиҳои чорвопарвар мақсад доранд ду баробар аз дурнамо, ки беш аз 18000 тоннаро дар бар мегирад, барзиёд коҳу беда захира намоянд, иттилоъ медиҳад хабарнигори минтақавии АМИТ «Ховар».
Бояд зикр намуд, ки самти асосии фаъолияти кишоварзони ноҳияи Ховалинг чорводорию боғдорӣ мебошад ва дар ин ноҳия ҳамасола саршумори чорвои калони шохдор ва моли майдаро афзоиш медиҳанд. Вобаста ба ин ҳамасола нақшаи дурнамои ҷамъоварии хӯроки чорво низ зиёд мегардад. Имсол вобаста ба хуб омадани обу ҳаво, сабзиши алафҳои табиӣ нисбат ба солҳои қаблӣ беҳтар аст ва хоҷагиҳои чорвопарвар ҷамъоварии хӯроки чорворо оғоз намудаанд. Чорводорон дар баробари истифодаи техникаи алафдарав талу теппаҳоро тариқи дастӣ дарав мекунанд.
Тавре сардори шуъбаи кишоварзии ноҳияи Ховалинг Нураҳмад Иматов гуфт, Ҳукумати Ҷумҳурии Тоҷикистон ва Вазорати кишоварзии мамлакат барои осон гардидани кори деҳқонон техникаи муосири кишоварзӣ ва мошинолотҳоро ворид кардааст, ки хоҷагиҳо имкон пайдо кардаанд корҳои агротехникиро сари вақт анҷом диҳанд.
Ба гуфтаи мавсуф, босифат ва беталаф барзиёд ҷамъоварӣ намудани алафҳои табиӣ ва юнучқаю дигар намуди коҳу беда самараи воридоти ин техникаҳо мебошад.
АКС: АМИТ «Ховар»
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
