Дар Хуҷанд 12 нафар хатмкунандагони Литсей барои хонандагони болаёқат ба донишгоҳҳои беҳтарини ИМА дохил шуданд
ДУШАНБЕ, 15.06.2022 /АМИТ «Ховар»/. Соли равон Литсей барои хонандагони болаёқат дар шаҳри Хуҷандро 41 нафар хатм мекунанд ва аз ин теъдод 12 нафари онҳо бо дарёфти 2,5 миллион доллар гранти омӯзишӣ ба донишгоҳҳои беҳтарини ИМА дохил шуданд. Дар ин бора директори Литсей барои хонандагони болаёқат дар шаҳри Хуҷанд Сурайёхон Неъматзода ба АМИТ «Ховар» иттилоъ дод.
Тибқи иттилои манбаъ, Меҳрангез Абдуллоева, Алишерхон Қосимов, Амирбек Зокиров, Маҳмудов Шарифҷон, Нурсултон Бойҷонов, Муҳаммад Маҳмудов, Усмонов Муҳаммад, Маҳлиёхон Авзалова, Алишер Назаров, Камила Бобоҷонова, Азиза Рӯзиева ва Самандар Самандаров дар озмунҳои бурсияи донишгоҳҳои ИМА ғолиб омада, соҳиби беш аз 2,5 миллион доллари амрикоӣ грантҳои омӯзишӣ дар беш аз 20 донишгоҳҳои бонуфузи Амрико гардиданд.
Ҳамзамон 18 нафар хатмкунандагони литсей ба донишгоҳҳои беҳтарини кишварҳои Олмон, Туркия, Австрия, Швейтсария, Булғористон ва Федератсияи Русия дохил шудаанд. 11 нафари дигар барои дохилшавӣ ба факултетҳои Донишгоҳи миллии Тоҷикистон ҳуҷҷатҳои худро супоридаанд. Яъне, аз 41 нафар хатмкунандагони литсей 30 нафари онҳо дар хориҷи кишвар 11 нафар дар мамлакат таҳсили худро идома медиҳанд.
-Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмҳои худ ҳамеша бобати омӯзиши амиқи забонҳои русӣ ва англисӣ таъкид намуда, дастурҳои судманд медиҳанд. Дар партави дастуру ҳидоятҳои Пешвои миллат муҳтарам Эмомалӣ Раҳмон маъмурияти Литсей барои хонандагони болаёқат дар шаҳри Хуҷанд дар муассиса маҳфилҳои доимоамалкунандаи омӯзиши забонҳои англисӣ, чинӣ, русӣ, олмонӣ ва фаронсавиро тариқи ройгон ба роҳ мондааст ва ҳамарӯза хонандагон баъди дарси асосӣ бо омӯхтани ин забонҳо машғуланд. Ин амр имкон медиҳад хонандагон забонҳоро азхуд намуда, дар озмунҳои сатҳи ҷаҳонӣ иштирок намоянд ва соҳиби грантҳои омӯзишӣ гарданд,-гуфт директори муассисаи таълимӣ Сурайёхон Неъматзода.
Ӯ ҳамчунин бар ин назар аст, ки таҳсили хонандагони тоҷик дар донишгоҳҳои бонуфузи сатҳи чаҳонӣ имкон медиҳад, ки ҷавонон аз навовариҳои пешрафтаи дунё бохабар бошанд ва баъди хатми донишгоҳ барои рушди кишвар саҳм гузоранд.
Лозим ва ёдоварист, ки дар Литсей барои хонандагони болаёқат дар шаҳри Хуҷанд омӯзгорони пуртаҷриба ва донишманду забондон фаъолият мебаранд, ки иштироки хонандагон дар озмуну олимпиадаҳо ва ба даст овардани грантҳои омӯзишӣ самараи меҳнати онҳо аст. Омӯзгорони литсей бо меҳнати содиқонаву самимона баҳри таълиму тарбияи дурусти хонандагон заҳмати зиёд мекашанд, то ки хонандагон номбардори миллати тоҷик дар арсаи ҷаҳонӣ бошанд.
АКС: Хадамоти матбуоти Раиси вилояти Суғд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
