Дар Хуҷанд бахшида ба Рўзи Ваҳдати миллӣ бо наваскарон мулоқот доир гардид

Июнь 20, 2022 11:56

ДУШАНБЕ, 20.06.2022. /АМИТ «Ховар»/. «Тоҷикистон кишвари ваҳдатофару ваҳдатсаро» — таҳти чунин шиор ба муносибати 25-умин солгарди Рӯзи Ваҳдати миллӣ ҳайати таблиғотии шӯрои шаҳрӣ ва вилоятии Ҳаракати ҷамъиятии ваҳдати милли ва эҳёи Тоҷикистон дар вилояти Суғд ба қисми низомии комендатураи ҳарбии вилояти Суғд,  воқеъ дар маҳаллаи «Сайҳун»-и шаҳри Хуҷанд рафта, бо сарбозон оид ба аҳамияти ваҳдат ва пойдории сулҳу субот суҳбат оростанд, хабар доданд ба АМИТ «Ховар» дар маркази матбуоти Раиси шаҳри Хуҷанд.

Ҳайати гурӯҳи корӣ бо вазъи хизмат ва шароити зисти  наваскарон аз наздик шинос шуда, аз имконияти фароҳам овардашуда  қаноатманд гардиданд. Онҳо дар паси мизи аскарӣ нишаста,  хўроки эшонро низ чашида, бо онҳо мулоқоти хотирмон доир карданд.

Муовини Раиси шаҳри Хуҷанд Фирўза Нуруллозода зимни мулоқот гуфт, ки  Ҳукумати Ҷумҳурии Тоҷикистон баҳри мустаҳкам намудани қобилияти мудофиавии кишвар, баланд бардоштани сатҳи омодабошии ҷангӣ, беҳтар гардонидани шароити моддӣ-техникӣ ва боз ҳам хубтар намудани вазъи иҷтимоии хизматчиёни ҳарбӣ пайваста ғамхорӣ  зоҳир менамояд.

-Ҳамасола дар тамоми гарнизонҳои ҷумҳурӣ  дар ҳамоҳангӣ бо масъулини мақомоти иҷроияи ҳокимияти давлатии вилоятҳо, шаҳру ноҳияҳо, шаҳрвандони ҷумҳурӣ ё худ захираҳои сафарбарӣ ва сохторҳои қудративу мақомоти ҳифзи ҳуқуқ пайваста ҷамъомади мудофиаи ҳудудӣ, машғулияти омодагии сафарбарӣ, маҷмўи машқҳои муштараки амалиётӣ-стратегии зиддитеррористӣ ва дигар чорабиниҳои муҳими низомӣ ташкилу ба роҳ монда мешаванд, ки ин ҳама албатта, дар самти тақвият бахшидани омодабошии ҷангии Артиши миллӣ ва баҳри ҳимояи марзу буми аҷдодӣ таъсири хуб мерасонанд, -афзуд Фирўза Нуруллозода.

Зикр гардид, ки мардуми Тоҷикистон  бо афсарону сарбозони Қувваҳои Мусаллаҳ ва кормандони мақомоти ҳифзи ҳуқуқ, яъне фарзандони содиқу вафодори худ ифтихор мекунанд ва эътимоди комил доранд, ки хизматчиёни ҳарбӣ  дар оянда низ аз уҳдаи ҳимояи Ватан, давлат ва зиндагии осудаи сокинони кишвар бо сарбаландӣ мебароянд.

АКС: Маркази матбуоти Раиси шаҳри Хуҷанд

Июнь 20, 2022 11:56

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд