Дар Истанбул 30-юмин солгарди Иҷлосияи XVI Шӯрои Олии Ҷумҳурии Тоҷикистон таҷлил гардид
ДУШАНБЕ, 06.06.2022. /АМИТ «Ховар»/. 4 июн дар бинои Консулгарии генералии Ҷумҳурии Тоҷикистон дар шаҳри Истанбул бо иштироки ҳамватанони бурунмарзии муқими шаҳри Истанбул бахшида ба 30-юмин солгарди Иҷлосияи XVI Шӯрои Олӣ ҳамоиш баргузор гардид, хабар медиҳад мухбири АМИТ «Ховар» Манижаи МАҚСУД.
Дар ҷараёни чорабинӣ Консули генералӣ М. Саидзода оид ба аҳамияти таърихии Иҷлосияи тақдирсози XVI Шӯрои Олӣ, ки барои барқарорсозии сохти конститутсионии кишвар, эъмори давлати демократию ҳуқуқбунёд ва дунявии Тоҷикистон оғози устувор бахшида, заминаи нахустини ҳамдигарфаҳмиву ризоияти миллӣ ва сулҳи тоҷиконро фароҳам овард, сухан ронд.
Ӯ иброз дошт, ки маҳз ба туфайли қарорҳои қабулнамудаи Иҷлосияи XVI Шӯрои Олӣ, бунёди низоми нави давлатдории тоҷикон, заминаҳои давлати демократӣ, ҳуқуқбунёд ва дунявӣ гузошта шуданд.
Таъкид гардид, ки ризоияти миллӣ, сулҳу ваҳдат ва ягонагие, ки имрӯзҳо мардуми тоҷик дорад, бо шарофати Иҷлосияи XVI Шӯрои Олӣ муяссар гардидааст.
Дар давоми суханронӣ М. Саидзода нақши таърихии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ҳамчун Президенти сулҳовар ва асосгузори истиқлолияти тоҷикон, бунёдгузори ислоҳотҳои амиқи сиёсиву иҷтимоӣ ва иқтисодӣ, инчунин дигаргуниҳои созанда дар Ҷумҳурии Тоҷикистон таъкид намуд.
Дар идомаи чорабинӣ навори видеоӣ бахшида Иҷлосияи XVI Шӯрои Олӣ намоиш дода шуда, ба таваҷҷуҳи ҳозирин аксҳои бойгонӣ аз баргузории Иҷлосияи таърихӣ ва китобҳои Президенти кишвар пешниҳод гардиданд.
АКС: Консулгарии генералии Ҷумҳурии Тоҷикистон дар шаҳри Истанбул
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
Сарвазири Тоҷикистон бо муовини якуми Президенти Эрон мулоқот намуд
Сироҷиддин Муҳриддин бо Котиби давлатии Иёлоти Муттаҳидаи Амрико Марко Рубио мулоқот намуд
Раиси Ҳукумати Федератсияи Русия Михаил Мишустин ба Тоҷикистон ташриф овард
Ҳайатҳои иштирокчии ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай ба Тоҷикистон ташриф меоранд
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай доир мегардад
Сарвазири Шурои давлатии Чин барои ҳамкории босифат бо Тоҷикистон дар чаҳорчӯби Ташаббуси «Як камарбанд, як роҳ» изҳори омодагӣ намуд
Намояндаи доимии Тоҷикистон бо Раиси иҷлосияи 81-уми Маҷмаи Умумии СММ мулоқот намуд
Муовини якуми Президенти Эрон Муҳаммадризо Ориф бо сафари корӣ ба Тоҷикистон ташриф овард
Ҳайати Тоҷикистон дар нишасти Шурои вазирони корҳои хориҷии Созмони ҳамкории исломӣ иштирок намуд
Сафири Тоҷикистон дар Кувайт бо раиси Бунёди фарҳангии Ал-Бобтайн вохӯрӣ намуд
