Дар Миср масъалаи густариши ҳамкорӣ байни Тоҷикистон ва Гурӯҳи Бонки Исломии Рушд баррасӣ гардид
ДУШАНБЕ, 07.06.2022 /АМИТ «Ховар»/. Масъалаҳои густариши ҳамкорӣ байни Тоҷикистон ва Гурӯҳи Бонки Исломии Рушд (БИР), рафти амалишавии лоиҳаҳо ва ҷалби маблағҳои имтиёзнок вобаста ба таъсири омилҳои берунӣ ва нақшаи зиддибуҳронии Ҳукумати ҷумҳурӣ зимни вохӯрии Вазири рушди иқтисод ва савдо, мудири кишварии Гурӯҳи БИР аз Тоҷикистон Завқӣ Завқизода бо Президенти Гурӯҳи БИР доктор Муҳаммад ал Ҷассер дар шаҳри Шарм-эл-Шейхи Ҷумҳурии Арабии Миср баррасӣ гардиданд.
Тавре ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон хабар доданд, дар рафти вохӯрӣ З. Завқизода зикр намуд, ки таҳти сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкорӣ бо шарикони рушд, ба хусус бо Гурӯҳи БИР барои таъмини рушди иқтисоди миллӣ муҳим арзёбӣ мегардад.
Зимни мулоқот ҷонибҳо масъалаҳои густариши ҳамкорӣ байни Ҷумҳурии Тоҷикистон ва Гурӯҳи БИР, рафти амалишавии лоиҳаҳои он, ҷалби маблағҳои имтиёзнок вобаста ба таъсири омилҳои берунӣ ва нақшаи зиддибуҳронии ҳукумати ҷумҳурӣ, лоиҳаҳои нави афзалиятнок дар асоси ҳадафҳои рушди кишвар, афзоиши сармояи умумии Бонк ва дурнамои ҳамкории миёнамуҳлатро мавриди баррасӣ қарор доданд.
Дар робита ба ин З. Завқизода аз Президенти Гурӯҳи БИР дархост намуд, ки маблағгузориҳо ба соҳаҳои афзалиятноки иқтисоди миллӣ вобаста ба пешгирии таъсири хавфҳои эҳтимолӣ ба соҳаҳои иҷтимоию иқтисодии Тоҷикистон, инчунин ноил гардидан ба ҳадафу афзалиятҳои стратегии Ҳукумати ҷумҳурӣ, рушди иқтисоди сабз, бахусус сохтмони иқтидорҳои нави энергетикӣ, иқтисоди рақамӣ, саноатикунонӣ, таъмини амнияти озуқаворӣ, соҳаҳои иҷтимоӣ ва тақвияти иқтидори содиротӣ зиёд карда шаванд.
Дар навбати худ Президенти Гурӯҳи БИР омодагии худро барои зиёд намудани маблағгузории лоиҳаҳо дар самтҳои қайдгардида, инчунин тақвияти ҳамкориҳои минбаъда баён намуд.
Илова бар ин аз Президенти Гурӯҳи БИР даъват ба амал оварда шуд, ки ба Ҷумҳурии Тоҷикистон ташриф оварад.
АКС: Вазорати рушди иқтисод ва савдои ҶТ
Ҳамкории Тоҷикистон ва Беларус дар самти сохтмон ва меъморӣ густариш меёбад
ИСТИФОДАИ САМАРАНОКИ ЗАМИН. Аъзои хоҷагии деҳқонии «Бобои Ҳақназар» картошкаро ҷамъоварӣ намуда, тарбуз кишт мекунанд
Банкнотаи ҷашнии 100-сомонии Тоҷикистон ба рӯйхати ғолибони ҷоизаи байналмилалии IACA-2026 ворид шуд
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
Ҳайати Тоҷикистон бо намояндагони Бонки аврупоии таҷдид ва рушд ва ширкати «OG Research» вохӯрӣ намуд
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
