Дар ноҳияи Бобоҷон Ғафуров ба пешвози Рӯзи Ваҳдати миллӣ ҳамоиш доир гардид
ДУШАНБЕ, 02.06.2022 /АМИТ «Ховар»/. Ҷавонон ҳамчун ояндасози давлату миллат сидқан ва бо тамоми ҳастӣ ба Ватан хизмат намоянд. Бо ҳушёриву зиракӣ манфиатҳои миллии худиро аз хатарҳои бегонапарастон эмин нигоҳ дошта, нагузоранд амалҳои ифротии хоинони миллат, ки бо ҳар гуна роҳҳо ба афкори ҷавонон таъсир расонидан мехоҳанд, амалӣ гарданд. Чунин даъват ба амал оварда шуд дар ҳамоиш таҳти унвони «Мо ҷонибдори сулҳу ваҳдатем, пайравони Пешвои миллатем!», ки дар Ҷамоати деҳоти Хистеварзи ноҳияи Бобоҷон Ғафурови вилояти Суғд доир гардид. Ҳамоиш ба ифтихори 25-умин солгарди Рӯзи Ваҳдати миллӣ бо ташаббуси Шӯрои Ҳаракати ваҳдати миллӣ ва эҳёи Тоҷикистон роҳандозӣ гардид, хабар медиҳад АМИТ «Ховар» бо истинод ба дафтари матбуоти мақомоти иҷроияи ҳокимияти давлатии ноҳия Бобоҷон Ғафуров.
Дар ҳамоиш фаъолони ҳаракат, намояндагони Ҳизби Халқии Демократии Тоҷикистон дар ноҳияи Бобоҷон Ғафуров, намояндагони касбу кори гуногун, ҷавонон, омӯзгорону толибилмони муассисаҳои таълимии ноҳия иштирок намуданд.
Зикр карда шуд, ки ҳар сол мардуми мо Рӯзи Ваҳдати миллиро бо тантана ҷашн гирифта, ба хубӣ эҳсос мекунанд, ки ваҳдат ва истиқлол ду маҳфуми аз ҳам ҷудонашаванда мебошанд. Аз ин лиҳоз халқи бузурги мо ба қадру қимати сулҳу ваҳдат ва истиқлолу озодӣ ба хубӣ мерасанд ва ба онҳо арҷ мегузоранд.
Ваҳдати миллӣ самараи талошҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Бинобар ин ҳифзи истиқлолу озодии Ватан, густариши пайвастаи худогоҳиву худшиносии миллӣ, ватандӯстиву ватанпарастӣ, арҷгузорӣ ба муқаддасот ва рамзҳои давлатӣ, таърих, забон ва фарҳанги миллӣ, таблиғи аҳамияти сулҳу оромӣ, суботи сиёсӣ, сарҷамъии миллат, эҳтирому риояи Конститутсия ва қонунҳо, яъне таъмини волоияти қонун бояд вазифаи муқаддаси ҳар шаҳрванди бонангу номус бошад.
Таъмин намудани сулҳу оромӣ, суботи сиёсӣ ва ваҳдати миллӣ, ки аз Иҷлосияи XVI Шӯрои Олии мамлакат сарчашма мегирад, барои қатъи мухолифати мусаллаҳона ва ҷангу хунрезӣ, сарҷамъии миллати тоҷик, ба Ватан баргардонидани гурезаҳо, бунёди давлати демократӣ, ҳуқуқбунёду дунявӣ ва таъсиси низоми ҳуқуқии адолатпеша асоси мустаҳкам гузошт.
Ҳамоиш бо барномаи ҳунарии бахши фарҳанги ноҳия хотирмон анҷом пазируфт.
АКС: МИҲД-и н. Бобоҷон Ғафуров
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
