Дар Парлумон ҷаласаи якуми Гурӯҳи доимоамалкунанда оид ба ҳуқуқҳои маъюбон баргузор гардид

Июнь 16, 2022 15:41

ДУШАНБЕ, 16.06.2022 /АМИТ «Ховар»/. Имрӯз бо иштироки вакилони Маҷлиси намояндагон, намояндаи вазорати тандурустӣ ва ҳифзи иҷтимоии аҳолии Ҷумҳурии Тоҷикистон, роҳбарияти Барномаи идоракунӣ волоияти қонун ва ҳуқуқи инсон, «Иттиҳодияи миллии маъюбони Тоҷикистон» ҷаласаи якуми Гурӯҳи доимоамалкунанда оид ба ҳуқуқҳои маъюбон баргузор гардид.

Тавре котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод, дар назди иштирокчиёни ҳамоиш муовини Раиси Маҷлиси намояндагон Дилрабо Мансурӣ баромад намуда, иброз кард, ки дар иртибот ба дастуру супоришҳои Пешвои миллат муҳтарам Эмомалӣ Раҳмон ва ҷиҳати татбиқи воқеии Ҳадафҳои Рушди Устувор Маҷлиси намояндагон дар назди Кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ моҳи марти соли 2022 аз ҳисоби вакилони Маҷлиси намояндагон, намояндагони сохторҳои давлативу хусусӣ ва шарикони рушд Гурӯҳи кории доимоамалкунанда оид ба ҳуқуқҳои маъюбон созмон дода шуд. То имрӯз якчанд Конвенсияҳои СММ аз ҷониби Ҷумҳурии Тоҷикистон эътироф гардида ва ё ба онҳо ҳамроҳ шудааст.

Мавриди зикр аст, ки бо дастгирӣ ва ташаббуси бевоситаи Президенти мамлакат ҷиҳати ҳамроҳшавии Тоҷикистон ба Конвенсияи СММ дар бораи ҳуқуқҳои маъюбон, Фармон «Дар бораи ба имзорасонии матни Конвенсия дар бораи ҳуқуқҳои маъюбон» аз 2 феврали соли 2018 қабул гардид.

Тибқи фармони мазкур 22 марти соли 2018 дар ҳошияи кушодашавии чорабинӣ бахшида ба оғози Даҳсолаи байналмилалии амал “Об барои рушди устувор, барои солҳои 2018-2028” Президенти кишвар дар бинои Созмони Милали Муттаҳид, воқеъ дар шаҳри Ню-Йорки ИМА зери Конвенсияи Созмони Милали Муттаҳид «Дар бораи ҳуқуқҳои маъюбон» имзо гузоштанд.

Конвенсияи СММ оид ба ҳуқуқҳои маъюбон аз тарафи ин созмон 13 декабри соли 2006 қабул гардида, 3 майи соли 2008 баъди аз ҷониби 20 давлат эътироф гардидани он қуваи қонунӣ гирифтааст. Ҳамроҳшавии Ҷумҳурии Тоҷикистон ба Конвенсияи СММ дар бораи ҳуқуқҳои маъюбон пеш аз ҳама, ин иродаи сиёсии Президенти Ҷумҳурии Тоҷикистон муҳтарам Эмомалӣ Раҳмон мебошад.

Дар баробари ин, омодагиҳои тадорукотии вазорату идораҳои дахлдор аз яктараф ва азму талошҳои ҷомеаи шаҳрвандӣ, хусусан иттиҳодияҳои ҷамъиятии маъюбон, аз ҷониби дигар барои тадриҷан тайёр намудани заминаҳои иҷтимоию иқтисодии муносиб ҷиҳати ҳамроҳшавии Тоҷикистон ба Конвенсия дар бораи ҳуқуқҳои маъюбон низ нек арзёбӣ мегардад.

Дар назди иштирокчиён ҳамчунин раиси Кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ Сумангул Тағойзода, муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон, аъзои гурӯҳи корӣ Шодихон Ҷамшед, роҳбари Барномаи идоракунӣ волоияти қонун ва ҳуқуқи инсон Алишер Каримов, Раиси “Иттиҳодияи миллии маъюбони Тоҷикистон”, аъзои гурӯҳи корӣ Асадулло Зикрихудоев баромад намуда, роҷеъ ба “Конвенсия дар бораи ҳуқуқҳои маъюбон ва зарурати таъсиси гурӯҳи кории доимоамалкунанда оид ба ҳуқуқҳои маъюбон дар назди Кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ: мақсад ва вазифаҳо” ва “Муаррифии лоиҳаи Нақшаи кории (Шӯрои ҷамъиятӣ) гурӯҳи корӣ барои соли 2022” ахбороти муфассал доданд.

Акс: МН МО ҶТ

Июнь 16, 2022 15:41

Хабарҳои дигари ин бахш

Раиси Маҷлиси намояндагон Маҳмадтоир Зокирзода дар ноҳияи Кӯшониён бо маданияти истифодабарии заминҳои наздиҳавлигӣ шинос шуд
Раиси Маҷлиси намояндагон Маҳмадтоир Зокирзода бо фаъолони Айнӣ, Кӯҳистони Масчоҳ ва Панҷакент мулоқот намуд
Раиси Маҷлиси намояндагон Маҳмадтоир Зокирзода бо сокинони Истаравшан, Шаҳристон ва Деваштич мулоқот намуд
Ҳайати парлумонии Ҷопон аз «Пажӯҳишгоҳи гастроэнтерологии Ҷумҳурии Тоҷикистон» дидан намуд
Дар Душанбе ҳамкории байнипарлумонии Тоҷикистон ва Ҷопон баррасӣ гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ Вазири корҳои хориҷии Ҷумҳурии Мардумии Чин Ван Иро ба ҳузур пазируфтанд
ИТТИЛОИЯ. Ба саҳифаҳои қалбакии аз номи Раиси Маҷлиси миллӣ, Раиси шаҳри Душанбе Рустами Эмомалӣ кушодашуда бовар накунед!
Раиси Маҷлиси намояндагон Маҳмадтоир Зокирзода бо сокинону фаъолони ноҳияи Шуғнон мулоқот намуд
КМИР ҶТ: 14 август интихоботи миёнадаврии вакилон ба Маҷлиси намояндагон ба ивази вакилони хориҷшуда доир мегардад
Маҳмадтоир Зокирзода бо Игор Лякин-Фролов мулоқот намуд
Парлумони Тоҷикистон бозпурсӣ тавассути интернетро қонунӣ кард
Номзадии Раиси ВМКБ Алишер Мирзонабот ба узвияти Маҷлиси миллии Маҷлиси Олии Ҷумҳурии Тоҷикистон пешбарӣ гардид

Маводҳои таҳлилӣ