Дар Суғд масъалаи ҳамкорӣ бо доираҳои тиҷоратии Британияи Кабир баррасӣ гардид
ДУШАНБЕ, 22.06.2022 /АМИТ «Ховар»/. Раиси вилояти Суғд Раҷаббой Аҳмадзода бо Сафири Фавқулода ва Мухтори Подшоҳии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Тим Ҷонс доир ба таҳсили донишҷӯён дар макотиби олӣ, зиёд намудани мубодилаи молу маҳсулот, коркарди захираҳои табиӣ, коркарди пахтаву маҳсулоти кишоварзӣ, татбиқи лоиҳаҳои нав дар соҳаҳои маорифу тандурустӣ мубодилаи афкор намуданд. Дар ин бора АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Зимни мулоқот ҳамчунин масъалаи рушди ҳамкории дуҷониба мавриди баррасӣ қарор гирифт.
Раиси вилоят таъкид кард, ки Тоҷикистон ва Британияи Кабир муносибатҳои хуби дӯстона дошта, таҳти сиёсати роҳбарони олии ду кишвар ҳамкорӣ дар самтҳои мухталиф густариш ёфта истодааст.
Гуфта шуд, ки вилояти Суғд дорои имкониятҳои зиёд буда, тавассути ҷалби сармоя ва доираҳои тиҷоратии Британияи Кабир метавон корхонаҳои навро ташкил намуд.
Мулоқоти тарафҳо бо баррасии дурнамои ҳамкории дуҷониба ба анҷом расид.
АКС: Хадамоти матбуоти Раиси вилояти Суғд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
