Дар Таллин дар ҳамоиши махсус натиҷаҳои Конфронси дуюми байналмилалии Душанбе муаррифӣ гардиданд

Июнь 30, 2022 09:34

ДУШАНБЕ, 30.06.2022 /АМИТ «Ховар»/. 28-30 июн дар шаҳри Таллин ҷаласаи муштараки Гурӯҳи корӣ оид ба идоракунии ҳамгироёнаи захираҳои об ва Гурӯҳи корӣ оид ба мониторинг ва арзёбӣ баҳшида ба 30-солагии  Конвенсияи об баргузор гардид, ки дар он Намояндаи доимии Ҷумҳурии Тоҷикистон дар назди шуъбаи СММ ва дигар ташкилотҳои байналмилалӣ дар Женева Ҷамшед Ҳомидов иштирок намуд.

Дар доираи ин ҳамоиш Ҷамшед Ҳомидов ба ширкаткунандагон натиҷаҳои Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028-ро муаррифӣ намуд.

Аз ҷумла, зикр гардид, ки Конфронси оби Душанбе чорабинии муҳимми ҷаҳонии тадорукотӣ ба Конфронси СММ (соли 2023 дар ш. Ню-Йорк таҳти  раисии Ҷумҳурии Тоҷикистон ва Подшоҳии Нидерланд баргузор хоҳад шуд) ба ҳисоб рафта, мақсади асосии он дар мусоидат ҷиҳати ноил шудан ба Ҳадафҳои рушди устувор марбут ба об, инчунин муҳокимаи чораҳои минбаъда оид ба татбиқи Нақшаи Даҳсолаи амал дар сатҳҳои ҷаҳонӣ, минтақавӣ ва миллӣ буд.

Ёдовар мешавем, ки Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ” 6-9 июни соли 2022 дар Душанбе баргузор гардид.

Конфронси оби СММ 22-24 марти соли 2023 дар шаҳри Ню-Йорк таҳти раисии Ҷумҳурии Тоҷикистон ва Подшоҳии Нидерланд баргузор хоҳад шуд. Нишасти мазкур баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.

Акс: ВКХ ҶТ

Июнь 30, 2022 09:34

Хабарҳои дигари ин бахш

Хайриддин Усмонзода, Директори МТС: «Саҳми Сарони Тоҷикистон ва Узбекистон дар таҳкими ҳамкории минтақавӣ арзишманд ва муҳим аст»
Тоҷикистон ва Португалия бахшида ба 30-солагии истиқрори муносибатҳои дипломатӣ эъломияи муштарак ба имзо расониданд
Тотористон ба таҳкими робитаҳои иқтисодию тиҷоратӣ бо минтақаҳои Тоҷикистон изҳори ҳавасмандӣ кард
ТОҶИКИСТОН ҶОНИБДОРИ ТАМОМИЯТИ АРЗИИ ЧИН МЕБОШАД. Изҳороти Вазорати корҳои хориҷии ҶТ вобаста ба «масъалаи Тайван»
Дар Батумӣ ҳамоиши соҳибкорӣ дар мавзӯи «Фазои мусоиди сармоягузории Ҷумҳурии Тоҷикистон» доир гардид
Нишасти Гурӯҳи кории доимамалкунанда доир ба ҷалби сармояи хориҷӣ баргузор шуд
Саҳми Гурӯҳи дӯстии байнипарлумонии Тоҷикистон ва Ҷопон дар рушди муносибатҳои дуҷониба муҳим арзёбӣ гардид
Дар Душанбе ҳамкории дуҷонибаи Тоҷикистон ва Лаҳистон баррасӣ шуд
Ҳайати Тоҷикистон дар Форуми роҳбарони минтақаҳои СҲШ дар Тошканд иштирок мекунад
Сироҷиддин Муҳриддин бо Директори Кумитаи иҷроияи Сохтори минтақавии зиддитеррористии СҲШ мулоқот намуд
Вазорати корҳои хориҷии Тоҷикистон ва Дабирхонаи Шӯрои ҳамкории кишварҳои арабии Халиҷ Ёддошти тафоҳуми ҳамкорӣ ба имзо расониданд
Сарвазири Тоҷикистон бо Дабири кулли Шӯрои ҳамкории кишварҳои арабии Халиҷ мулоқот намуд

Маводҳои таҳлилӣ