Донишгоҳи миллии Тоҷикистон дар олимпиадаи ҷумҳуриявӣ миёни донишҷӯёни муассисаҳои таҳсилоти олии касбӣ сазовори ҷойи якум шуд

Июнь 20, 2022 13:14

ДУШАНБЕ, 20.06.2022 /АМИТ «Ховар»/. Донишгоҳи миллии Тоҷикистон бо гирифтани бештари ҷойҳои ифтихорӣ дар олимпиадаи ҷумҳуриявӣ миёни донишҷӯёни муассисаҳои таҳсилоти олии касбии кишвар таҳти унвони «Аниси кунҷи танҳоӣ китоб аст» аз рӯйи равияи фанҳои гуманитарӣ, иқтисодию иҷтимоӣ сазовори  ҷойи якум гардид. Ҷойи дуюм ба дастаи донишҷӯёни Донишкадаи давлатии забонҳои Тоҷикистон ба номи Сотим Улуғзода насиб гардида,  мақоми  сеюмро    дастаи донишҷӯёни Донишгоҳи давлатии Бохтар ба номи Носири Хусрав ба даст оварданд,  иттилоъ додан ба АМИТ «Ховар» дар маркази матбуоти Вазорати маориф ва илми мамлакат.

Иттилоъ дода  шуд, ки 18 июн бо иштироки Вазири маориф ва илми Ҷумҳурии Тоҷикистон Раҳим Саидзода, муовини вазири маориф,  ректорони макотиби олӣ, устодону омӯзгорон ва донишҷуён  олимпиадаи мазкур ҷамъбаст гардид.

Вазири маориф ва илм Раҳим Саидзода аз дастгириҳои пайвастаи  Пешвои миллат, Президенти мамлакат  муҳтарам Эмомалӣ Раҳмон дар самти ҷавонон ёдовар шуда, нақши онҳоро ҳамчун неруи созандаву ташаббускор дар рушду пешрафти кишвар  муҳим арзёбӣ намуд.

Таъкид кард, ки олимпиадаи мазкур ба дарёфти донишҷӯёни соҳибистеъдод, дастгириву ҷалб намудани онҳо ба пажуҳишҳои илмӣ ва ба ин васила, баланд бардоштани сатҳу сифати таълим мусоидат мекунад.

Дар ҷамъбаст 14 нафар донишҷӯ ҷойи якум, 13 нафар ҷойи дуюм, 10 нафар ҷойи сеюм ва 18 нафар  барои фаъолнокӣ  нишон додан бо «Ифтихорнома» сазовор дониста шуданд.

Вазири маориф ва илм ба ғолибон ва як гурӯҳ иштирокдорони фаъол «Диплом», «Ифтихорнома», медал ва туҳфаҳои хотиравӣ тақдим намуд.

Ба устодоне, ки шогирдонашон дар ин озмун мақоми аввалро ба даст оварданд, аз ҷониби раёсати Донишгоҳи байналмилалии сайёҳӣ ва соҳибкории Тоҷикистон бо роҳхат ба осоишгоҳи «Хоҷа Обигарм» ҳавасманд гардиданд.

АКС: Вазорати маориф ва илми ҶТ

Июнь 20, 2022 13:14

Хабарҳои дигари ин бахш

Намояндаи Тоҷикистон дар Форуми академияҳои идоракунии давлатии мамлакатҳои аъзои ИДМ иштирок намуд
Даври ҷумҳуриявии олимпиадаҳои фаннӣ барои синфҳои 11-и муассисаҳои таълимии ҷумҳурӣ оғоз ёфт
Ҳамкории Тоҷикистон ва Эрон дар самти илму маориф тақвият меёбад
Ҷашни Наврӯзи хуҷастапайро аҳли илму маориф ботантана ҷашн гирифтанд
Дар шаҳри Турсунзода кӯдакистони замонавӣ ба истифода дода шуд
Дар Донишгоҳи давлатии Хуҷанд озмуни «Шоҳномахонӣ» баргузор шуд
Дар шаҳри Истаравшан дуюмин ҳамоиши гирандагони стипендияи президентӣ доир шуд
«НАВРӮЗ — МУЖДАИ БАҲОРУ САРСАБЗИИ ТАБИАТ». Дар Донишгоҳи давлатии Кӯлоб ҷашни аҷдодиро таҷлил намуданд
НАВРӮЗ-ЭҲЁГАРИ АНЪАНАҲОИ МИЛЛӢ ВА ТАРҒИБГАРИ ҲУНАРҲОИ МАРДУМӢ. Таҳти ин унвон дар Донишгоҳи давлатии Бохтар ҳамоиш баргузор шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба ҳифзи Ватан ва мубориза бо падидаҳои номатлуб мулоқот доир шуд
Дар Филиали Донишгоҳи давлатии Москва дар шаҳри Душанбе конференсияи байналмилалии илмӣ-амалии «Геология дар макон ва замон» доир шуд
Устодону донишҷӯёни Донишгоҳи миллии Тоҷикистон Наврӯзро бо барномаи рангину намоиши анъанаҳои миллӣ таҷлил намуданд