Ҳелга Шмид: «САҲА ташаббусҳои Президенти Тоҷикистон Эмомалӣ Раҳмонро дар соҳаи об ҳамаҷониба дастгирӣ менамояд»
ДУШАНБЕ, 07.06.2022 /АМИТ «Ховар»/. «Созмони амният ва ҳамкорӣ дар Аврупо (САҲА) пешвогии Президенти Ҷумҳурии Тоҷикистон муҳтарам Эмомалӣ Раҳмонро вобаста ба пешбурди масъалаҳои об дар сатҳи сайёра ҳамаҷониба дастгирӣ менамоем», — изҳор дошт имрӯз, 7 июн пас аз мулоқот бо Пешвои миллат Эмомалӣ Раҳмон Дабири кулли Созмони амният ва ҳамкорӣ дар Аврупо (САҲА) Ҳелга Шмид, ки барои иштирок дар доираи Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018 – 2028 ба Душанбе омадааст.
Ҳелга Шмид таъкид намуд, ки масъалаи амният, об ва тағийрёбии иқлим барои САҲА имрӯз мавзӯи ниҳоят муҳим ва калидӣ боқӣ мемонад. Чунон чӣ имрӯз нисфи одамони сайёра ба оби ошомидани тоза дастрасӣ надорад.
Ёдовар мешавем, ки Пешвои миллат Эмомалӣ Раҳмон дар мулоқот бо Ҳелга Шмид иброз доштанд, ки Тоҷикистон нақши Созмони амният ва ҳамкорӣ дар Аврупоро дар таъмини сулҳу субот, амният ва рафоҳати фарогир дар паҳнои он муҳим арзёбӣ менамояд.
Таъкид гардид, ки иштироки Созмони амният ва ҳамкорӣ дар Аврупо дар Конфронси дуюми байналмилалии амал «Об барои рушди устувор», солҳои 2018-2028 гувоҳи таваҷҷуҳи пайвастаи Созмон ба ин масъалаҳои мубрами минтақавӣ мебошад.
АКС: АМИТ «Ховар»
Қоҳир Расулзода бо директори Бюрои рушди телекоммуникатсияи Иттиҳоди байналмилалии телекоммуникатсия Космас Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Дар Давҳа 35-солагии Истиқлоли давлатии Тоҷикистон таҷлил гардид
Сироҷиддин Муҳриддин бо вазирони корҳои хориҷии Салтанати Умон, Габон, Кипр ва Сингапур мулоқот намуд
Дар Ню-Йорк омодагӣ ба Конфронси оби СММ – 2028 дар шаҳри Душанбе баррасӣ гардид
Идомаи сафари расмии Сарвазири Ҷумҳурии Тоҷикистон Қоҳир Расулзода дар Ҷумҳурии Озарбойҷон
Вазири корҳои хориҷии Тоҷикистон бо Дабири кулли Созмони ҳамкории рақамӣ вохӯрӣ намуд
Таҳти ҳамоҳангсозии Тоҷикистон ҷаласаи сафирони Гурӯҳи кишварҳои рӯ ба тараққии маҳсур дар хушкӣ доир гардид
