Фирӯза Шарифӣ: «Вилояти Хатлон беш аз 60 фоизи талаботи бозори Тоҷикистонро бо маҳсулоти кишоварзӣ таъмин менамояд»
ДУШАНБЕ, 19.06.2022 /АМИТ «Ховар»/. Вилояти Хатлон беш аз 60 фоизи талаботи бозори Тоҷикистонро бо маҳсулоти тару тозаи кишоварзӣ таъмин менамояд. Ин нуктаро муовини Раиси вилояти Хатлон Фирӯза Шарифӣ дар мулоқот бо намояндагони расонаҳои хабарӣ, ки дар доираи корвони иттилоотии журналистони Тоҷикистон ба шаҳри Бохтар ташриф оварданд, зикр намуд.
Таъкид гардид, ки вилояти Хатлон калонтарин минтақаи агросаноатӣ дар ҷануби Тоҷикистон буда, 63 фоизи истеҳсоли ғалла, 68 фоизи пахта, 60 фоизи сабзавот, 78 фоизи зироатҳои полизӣ, 57 фоизи истеҳсоли гӯшт, 51 фоизи истеҳсоли шир, 41 фоизи маҳсулоти саноатӣ, аз ҷумла 90 фоизи нерӯи барқи ҷумҳурӣ дар он истеҳсол мегардад.
Фирӯза Шарифӣ илова намуд, ки дар тамоми бахшҳои хоҷагии халқи вилоят ҳар сол беш аз 270 ҳазор тонна нахи пахта, зиёда аз 2,5 миллион тонна маҳсулоти полезӣ, меваю сабзавот, ангур ва беш аз 1 миллион дона пӯсти чорвои хурду калони шохдор ва 6 ҳазор тонна пашм истеҳсол карда мешавад. Ин дар ҳолест, ки дар зарфи соли равон кишоварзони вилояти Хатлон ба хориҷи мамлакат 12129,4 тонна маҳсулотҳои кишоварзӣ, аз ҷумла 1310,2 тонна тавассути нақлиёт, тайёра, 3819,2 тавассути роҳи оҳан ба хориҷи кишвар, асосан ба Русия Беларус, Афғонистон, Узбекистон, Туркия, Қазоқистон ва Покистон содирот кардаанд.
Муовини Раиси вилояти Хатлон зикр намуд, ки бо мақсади иҷрои саривақтии дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар масъалаи истеҳсоли маҳсулоти кишвоарзӣ , истифодаи самаранок ва оқилонаи ҳар ваҷаб қитъаҳои замини наздиҳавлигӣ ва дар маҷмӯъ таъмин фаровонии бозори истеъмолии дохилӣ бо маҳсулотҳои кишоварзӣ ва озуқаворӣ, ки яке аз чор ҳадафи стратегии Ҳукумати мамлакат мебошад, дар вилояти Хатлон гурӯҳи корӣ ташкил гардидааст, ки корҳои фаҳмондадиҳӣ ва тарғиботиро ҷиҳати истифодаи самаранкои ҳар як ваҷаб замин ба сокинон ба роҳ мондааст.
Мавриди зикр аст, ки Пешвои миллат Эмомалӣ Раҳмон дирӯз, 18 июн зимни суханронияшон дар машварати корӣ, ки бо роҳбарону фаъолони вилояти Хатлон дар ноҳияи Данғара доир гардид, таъкид намуданд, ки «ҳоло, ки фурсат ҳаст, яъне мавсими фаровонист, тамоми мардуми кишвар, ҳамаи ташкилоту муассисаҳо ва ҳар як оила бояд дар фикри таъминоти худ бошанд, ҷиҳати ҳарчи бештар истеҳсол кардани маҳсулот ва барои ду сол захира намудани маводи зарурии ғизоӣ ҳамаи чораҳои заруриро андешанд, то ки дар фасли тирамоҳу зимистони дарпешистода танқисиву муҳтоҷӣ накашанд. Яъне мо бояд аз имрӯз сар карда, ба мавсими тирамоҳу зимистон омода шавем».
Марзия САИДЗОДА,
АМИТ «Ховар»
АКС: АМИТ «Ховар»
Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд
Ширкатҳои Ҳиндустон ба истеҳсоли молу маҳсулоти саноатӣ дар Тоҷикистон изҳори ҳавасмандӣ намуданд
Имрӯз дар Бангкок ҷаласаи вазирони Барномаи махсуси СММ барои иқтисодиёти Осиёи Марказӣ доир шуд
Тоҷикистон ва Узбекистон гузариши транзитии мошинҳои боркашро осон менамоянд
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
Ҳайати Тоҷикистон бо Президенти Бонки сармоягузории Аврупо ҷалби сармоя барои бунёди иншооти гидроэнергетикиро баррасӣ намуд
