Имсол аз Конибодом ба хориҷи мамлакат 420 тонна зардолу содирот гардид

Июнь 8, 2022 15:26

ДУШАНБЕ, 08.06.2022. /АМИТ «Ховар»/. Боғпарварони шаҳри Конибодом имсол ҳосили хуб рӯёнида,  то имрӯз  ба хориҷи мамлакат  420 тонна зардолу содирот намуданд. Онҳо тасмим гирифтаанд, ки  фурӯши меваи зардолуро ба хориҷи кишвар идома диҳанд, хабар  дод ба  АМИТ «Ховар» корманди Хадамоти матбуоти Раиси вилояти Суғд Андар Раҳмонӣ.

Раиси вилояти Суғд Раҷаббой Аҳмадзода дар шаҳри Конибодом бо  ҷараёни ҷамъоварии  меваи зардолу шинос гардид. Иттилоъ дода шуд, ки дар шаҳри Конибодом беш аз 11 ҳазор гектар боғи зардолу мавҷуд буда, аз он 8 ҳазор гектараш ҳосилдеҳ мебошад. Ҳамасола аз ин боғот мева ҷамъоварӣ шуда, қисме аз он содирот ва қисми дигар хушконида мешавад.

Деҳқонони  Конибодом дар парваришу истеҳсоли меваи зардолу таҷрибаи хуб доранд ва иқлими мусоиди минтақа низ имкон медиҳад, ки ҳосили хуб рӯёнида шавад.

Раҷаббой Аҳмадзода ҳамчунин бо нашъунамои пахта дар хоҷагии деҳқонии ба номи Роҳбар Қосимов шинос шуда, барои риояи қоидаҳои агротехникӣ ва озуқадиҳии зироат ба масъулин тавсияҳои муфид  дод.

Тибқи иттилои масъулини соҳаи кишоварзии Конибодом,  дар хоҷагиҳои деҳқонии ин минтақа 5402 гектар пахта кишт гардида, нашъунамои зироат хуб ва дар меъёри муқаррарӣ мебошад. Кишоварзон аҳлона заҳмат кашида, барои ба даст овардани ҳосили зиёд аз тамоми имкониятҳо истифода бурда истодаанд.

 АКС: Хадамоти матбуоти Раиси вилояти Суғд

 

Июнь 8, 2022 15:26

Хабарҳои дигари ин бахш

Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод