Масъалаи дурнамои ҳамкории миёнамуҳлат миёни Тоҷикистон ва Бонки АвруОсиёи Рушд баррасӣ гардид

Июнь 28, 2022 10:16

ДУШАНБЕ, 28.06.2022 /АМИТ «Ховар»/. Масъалаҳои густариши ҳамкорӣ  байни Ҷумҳурии Тоҷикистон ва Бонки АвруОсиёи Рушд (БАОР) зимни вохӯрии Вазири рушди иқтисод ва савдо Завқӣ Завқизода бо Раиси Бонки АвруОсиёи Рушд Подгузов Николай Радиевич баррасӣ гардид. Дар ин бора ба АМИТ «Ховар» дар Вазорати рушди иқтисод ва савдои кишвар хабар доданд.

Вохӯрӣ дар доираи ҷаласаи навбатии Шӯрои БАОР, ки дар шаҳри Нур – Султони Ҷумҳурии Қазоқистон доир гардид,  сурат гирифт . Дар ҷаласа масъалаҳои ҳисоботи солонаи фаъолияти Бонк, баҳогузориҳои аудити байналмилалӣ ва аудити дохилии Бонк, тақсимоти фоидаи Бонк, таъсиси ташкилоти фаръии Бонк ва дигарҳо муҳокима гардида, вобаста ба онҳо қарорҳои дахлдор қабул шуданд.

Дар робита ба масъалаҳои зикргардида ҳисоботи Раиси БАОР Подгузов Николай Радиевич шунида шуд. Таъкид  гардид, ки новобаста ба таъсири вазъи иқтисодию молиявии глобалию минтақавӣ фоидаи Бонк нисбат ба соли ҳисоботии пештара ду маротиба афзоиш ёфта, ҳаҷми умумии сандуқи сармоягузории Бонк дар солҳои фаъолияташ 4,5 миллиард доллари ИМА-ро ташкил додааст.

Зимни мулоқот З. Завқизода иброз дошт, ки таҳти сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкорӣ  бо шарикони рушд, аз ҷумла бо БАОР барои таъмини рушди иқтисоди миллӣ муҳим арзёбӣ мегардад.

Дар ҷараёни  вохӯрӣ ҷонибҳо масъалаҳои густариши ҳамкорӣ  байни Ҷумҳурии Тоҷикистон ва БАОР, ҷалби маблағҳои имтиёзнок вобаста ба таъсири омилҳои берунӣ ва нақшаи зиддибуҳронии ҳукумати ҷумҳурӣ, лоиҳаҳои нави афзалиятнок дар асоси ҳадафҳои рушди кишвар ва дурнамои ҳамкории миёнамуҳлатро  мавриди баррасӣ қарор доданд.

Дар робита ба ин З.Завқизода аз Раиси Раёсати БАОР дархост намуд, ки маблағгузориҳо ба соҳаҳои иҷтимоию иқтисодии Тоҷикистон барои ноил гардидан ба ҳадафу афзалиятҳои стратегии Ҳукумати ҷумҳурӣ, аз ҷумла рушди иқтисоди сабз, иқтисоди рақамӣ, саноатикунонӣ, соҳаҳои иҷтимоӣ ва тақвияти иқтидори содиротӣ зиёд карда шаванд.

Дар навбати худ Раиси БАОР омодагии худро барои зиёд намудани маблағгузории лоиҳаҳо дар самтҳои қайдгардида баён намуда, итминон дод, ки сандуқи сармоягузории Бонкро дар Ҷумҳурии Тоҷикистон то 5 фоизи ҳаҷми умумии сандуқи сармоягузории Бонк афзоиш медиҳад.

Бояд зикр намуд, ки баргузории ҷаласаи навбатии Шӯрои БАОР дар семоҳаи 2-юми соли 2023 ба нақша гирифта шуд.

АКС: Вазорати рушди иқтисод ва савдои ҶТ

Июнь 28, 2022 10:16

Хабарҳои дигари ин бахш

Ба буҷети Тоҷикистон аз «андозбандиҳои Google» зиёда аз 1,5 млн сомонӣ маблағ ворид гардид
Миёни вилояти Хатлони Тоҷикистон ва вилояти Сурхондарёи Узбекистон 23 созишномаи ҳамкорӣ ба имзо расиданд
Роҳи оҳани нави боркашонӣ аз Чин ба Осиёи Марказӣ ба истифода дода шуд
ҲАМА РОҲҲО БА ТОҶИКИСТОН МЕБАРАНД. Азим Иброҳим дар Конфронси байналмилалии вазирони нақлиёт дар Туркманистон ширкат мекунад
Ба Минтақаи озоди иқтисодии «Данғара» дар ҳаҷми 61 млн сомонӣ сармоягузорӣ карда шуд
ВАСЛГАРОНИ ДИРӮЗУ ИМРӮЗИ МИЛЛАТ. 14 август дар Тоҷикистон Рӯзи кормандони соҳаи сохтмон таҷлил мегардад
Афзоиши баландтарини иқтисодӣ миёни кишварҳои БАОР дар Арманистон ва Тоҷикистон ба қайд гирифта шудааст
БОРИ АВВАЛ ДАР ТОҶИКИСТОН. «Бонки Эсхата» платформаи электронии дастрасии мустақим ба Биржаи байнибонкии асъории Москваро пешниҳод намуд
Дар Суғд оид ба омӯзиши технологияи муосири парвариши ангур ва барқарор намудани токзорҳои кӯҳна машварат доир шуд
Дар Душанбе ҷаласаи Шӯрои ҳамоҳангсоз оид ба масъалаҳои идоракунии молияи давлатӣ баргузор шуд
«БЕҲТАРИН СОДИРОТКУНАНДАИ ТОҶИКИСТОН». Ҷаласаи васеи ҳайати комиссияи экспертии озмуни ҷумҳуриявӣ доир шуд
ДАР ТОШКАНД ФОРУМИ ДУЮМИ ИҚТИСОДИИ КИШВАРҲОИ УЗВИ СҲШ ДОИР МЕШАВАД. Бо ибтикори Тоҷикистон он бори аввал моҳи июни соли гузашта баргузор шуда буд

Маводҳои таҳлилӣ