МУБОРАК БОД! Мирганд Шаҳбозов барандаи ҷоизаи «Ситораҳои Иттиҳод» шуд
ДУШАНБЕ, 06.06.2022 /АМИТ «Ховар»/. Шӯрои Ҷоизаи байнидавлатии «Ситораҳои Иттиҳод» («Звезды Содружества») барандагони ҷоизаи асосии башардӯстона ИДМ барои соли 2021-ро эълон кард. Дар миёни ҷоизадорони нав академики Академияи миллии илмҳои Тоҷикистон Мирганд Шаҳбозов низ ҳаст. Дар ин бора ба АМИТ «Ховар» аз дафтари матбуоти Кумитаи иҷроияи ИДМ хабар доданд.
Ёдовар мешавем, ки ин ҷоиза ҳамасола ба намояндагони давлатҳои Иттиҳод барои дастовардҳои назаррас дар соҳаи фаъолияти башардӯстона, ки ба сатҳи дастовардҳои ҷаҳонӣ мувофиқанд ва дар рушди ҳар як кишвари узви ИДМ ва дар маҷмӯъ дар Иттиҳод саҳм гузоштаанд, дода мешавад. Маблағи ҷоиза 2 миллион рубл (32 276 доллар) мебошад.
Имсол барои дарёфти ҷоизаи олӣ 12 нафар аз 8 кишвар номзад буданд. Бо қарори доварон, ки ба ҳайати он ходимони барҷастаи фарҳангу маориф аз тамоми кишварҳои ИДМ шомил буданд, ҷоизаҳо ба ҳашт довталаб дода шуданд.
АЛИЕВ Нотик Камол оғлу (Озарбойҷон) — ҳайкалтарош, рассоми халқии Озарбойҷон.
ХАЧИЯН Эдуард Ефремович (Арманистон) — геолог, мудири кафедраи механикаи сохтмонии Донишгоҳи миллии меъморӣ ва сохтмон.
КИЛИН Сергей Яковлевич (Беларус) — физик, муовини Раиси Президиуми Академияи илмҳо.
РУСТАМБЕКОВ Серик Исаевич (Қазоқистон) — меъмор, директори фирмаи лоиҳакашии «ORTA», раиси Иттифоқи меъморони шаҳри Нурсултон.
МАМИТОВ Миталип (Қирғизистон) — нейроҷарроҳ, мудири кафедраи Академияи давлатии тиббӣ.
ТЕМИРКАНОВ Юрий Хатуевич (Русия) — дирижёр, рохбари бадеии Филармонияи академии Санкт-Петербург.
ШАҲБОЗОВ Мирганд (Тоҷикистон) — риёзидон, академики Академияи миллии илмҳо.
УСМОНОВ Рамиз Бекназарович (Узбекистан) — директори Театри давлатии академии калони Узбекистон.
Маросими ботантанаи супурдани ҷоизаҳо моҳи декабри соли 2022 дар Тошканд дар доираи Форуми зиёиёни эҷодкор ва илмӣ баргузор мешавад.
АКС аз бойгонӣ
Соли равон 85 хатмкунандаи Академияи идоракунии давлатӣ соҳиби дипломи аъло шуданд
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
