Муовини Сарвазири Тоҷикистон Сулаймон Зиёзода бо ҷараёни корҳо дар хоҷагиҳои кишоварзии шаҳри Истаравшан шинос гардид

Июнь 22, 2022 11:46

ДУШАНБЕ, 22.06.2022 /АМИТ «Ховар»/. 21 июн дар доираи сафари корӣ ба вилояти Суғд муовини Сарвазири Ҷумҳурии Тоҷикистон Сулаймон Зиёзода аз хоҷагиҳои кишоварзии шаҳри Истаравшан боздид ба амал овард, хабар медиҳад АМИТ «Ховар» ба истинод ба дафтари матбуоти Раиси шаҳри Истаравшан.

Дар ин сафар муовини Сарвазирро муовини раиси вилояти Суғд Зариф Мирдадо ва намояндагони вазорату идораҳои дахлдор ҳамроҳӣ намуданд.

Муовини Сарвазир ва ҳамроҳонаш бо боғҳои навбунёд, майдонҳои кишти картошка, ғалла, сабзавот ва мақсаднок истифода кардани заминҳои наздиҳавлигӣ дар деҳотҳои «Нофароҷ», «Пошкент» ва «Чорбоғ» шинос шуданд.

Иттилоъ дода шуд, ки дар шаҳри Истаравшан соли 2022 дар ҳама намудҳои шакли хоҷагидорӣ маҷмӯан дар майдони 3385,36 гектар замин кишти картошка гузаронида шудааст, ки нисбат ба соли гузашта 350,36 гектар зиёд мебошад. Дар ин раванд кишоварзони ҷамоатҳои деҳоти «Чорбоғ», «Нофароҷ», «Ҷавкандак», «Пошкент» ва «Қалъаи баланд» саҳми назаррас гузошта, аз 39 то 140 гектар барзиёд нақшаи кишти картошкаро иҷро карданд. Соли равон 76 гектар майдонҳои боғ аз нав барқарор карда шуда, тибқи дастури Пешвои миллат муҳтарам Эмомалӣ Раҳмон дар майдони 46 гектар заминҳои таллу теппа боғҳои нав бунёд карда шуданд. Инчунин дар майдони зиёда аз 17 ҳазор гектар замин ғалладонагӣ кишт карда шудааст, ки наздики 7,5 ҳазор гектари он гандум мебошад.

Сулаймон Зиёзода бо деҳқонону хоҷагидорон ва масъулини соҳаи кишоварзии шаҳри Истаравшан ва ҷамоатҳои деҳоти он суҳбат анҷом дода, вобаста ба иҷрои саривақтии дастуру супоришҳои Президенти Ҷумҳурии Тоҷикистон оид ба самаранок истифода кардани заминҳо ва гирифтани ду — се ҳосил аз як замин, ба кишт пурра фаро гирифтани заминҳои наздиҳавлигӣ ва хоҷагиҳои ёрирасон, ба таври кофӣ барои ду сол захира кардани маҳсулот ва дигар масъалаҳои марбут супоришҳои мушаххас дод.

АКС: дафтари матбуоти раиси шаҳри Истаравшан

Июнь 22, 2022 11:46

Хабарҳои дигари ин бахш

«НАВРӮЗ-МЕРОСИ ФАРҲАНГИИ САЙЁҲӢ». Дар доираи ин фестивал имконияти сайёҳӣ ва фарҳанги миллии тоҷикон муаррифӣ карда шуд
ҶУФТБАРОРОН. Ин маросим дар Наврӯз аз оғози кишту кори баҳорӣ башорат медод
РАВАНДИ ОБИ ДУШАНБЕ. Ҷомеаи ҷаҳон аз Конфронси оби СММ-2023 интизориҳои зиёд дорад
Дар ноҳияи Шаҳринав намоиши техникаи кишоварзӣ гузаронида шуд
Дар хоҷагиҳои деҳқонии Конибодом кишти чигит оғоз ёфт
Дар Бонки миллии Тоҷикистон Наврӯзро чун арзиши олии башарӣ таҷлил намуданд
«НАВРӮЗ-МЕРОСИ ФАРҲАНГИЮ САЙЁҲӢ». Пагоҳ дар Душанбе фестивали байналмилалӣ баргузор мешавад
Тоҷикистон дар Намоишгоҳи байналмилалии сайёҳии «MITT – 2023» иқтидори сайёҳии худро муаррифӣ намуд
Намояндагони Тоҷикистон дар Симпозиуми гуногунии биологӣ дар Чин иштирок менамоянд
Имрӯз вохӯрии роҳбарони мақомоти сайёҳии давлатҳои узви Созмони ҳамкории Шанхай доир шуд
Дар Хатлон Фонди дастгирии соҳибкорӣ ва телефони боварӣ барои муроҷиати соҳибкорон ташкил карда мешавад
Пулҳои коғазии намуна ва барориши соли 2022 ба муомилот бароварда мешаванд